Genesis 40:19 - Marahay na Bareta Biblia

¹⁹ Pakalihis nin tolong aldaw, papaluwason ka digdi kan hade asin papupugotan ka! Dangan ipapabitay niya an saimong bangkay sa sarong kahoy asin kakakanon kan mga gamgam an saimong laman.”

Genesis 40:19 ပူးပေါင်းရင်းမြစ်များ

Genesis 40:13

Pakalihis nin tolong aldaw, papaluwason ka digdi kan hade, papatawadon asin papabalikon sa dati mong trabaho. Ika giraray an matao sa hade kan saiyang kalis siring kan enot na mga aldaw kan ika an saiyang kopero.

Genesis 40:17

An basket na nasa ibabaw nalalaogan kan manlaen-laen na kakanon para sa hade, asin kinarakan idto kan mga gamgam.”

Genesis 40:18

Nagsimbag si Jose, “Iyo ini an kahulogan: an tolong basket, tolong aldaw.

Genesis 40:20

Pakalihis nin tolong aldaw, sa kumpleanyo kan hade, nagtao siya nin bangkete sa gabos niyang opisyal; pinaluwas niya sa bilanggoan an saiyang kopero asin an saiyang panadero dangan pinaatubang sinda sa saiyang mga opisyal.

Genesis 40:22

alagad ipinagadan niya an panadero. Nangyari an gabos siring sa sinabi ni Jose.

Genesis 41:13

Nagkatotoo sa samo an saiyang sinabi: ibinalik mo ako sa dati kong katongdan alagad ipinagadan mo an panadero.”

2 Samuel 21:10

Dangan nagkua nin sako si Rizpa na aking babae ni Aia, asin ginibo ining lindongan niya sa ibabaw nin gapo na namumugtakan kan mga bangkay; duman siya nag-erok poon kan magpoon an pag-ani sagkod sa tig-uran. Kun aldaw, inaalaw niya an mga gamgam, asin kun banggi, dai niya pinaparani sa mga bangkay an lalaw na mga hayop.

2 Samuel 21:6

Kaya itao mo samo an pito kan saiyang mga lalaking kapagarakian, asin sa atubangan nin Kagurangnan, bibitayon mi sinda sa Gibeon, sa sadiring banwa ni Saul, an piniling hade nin Kagurangnan.” Nagsimbag an hade, “Itatao ko sinda saindo.”

Mga Talinhaga 30:17

An siisay man na nag-oolog-olog sa saiyang ama o nagsisikwal sa saiyang ina sa paggurang kan mga ini dapat na ipakakan sa mga bwitre o ipatuka an mga mata sa mga uwak.

Ezekiel 39:4

Si Gog, an saiyang hukbo, asin an mga kaapil niya matutumbang gadan sa kabukidan nin Israel. An saindang mga bangkay pababayaan kong magin kakanon nin mga gamgam saka mga lalaw na hayop.

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.

Galacia 3:13

Ilinigtas kita ni Cristo sa maldisyon na dara kan Katogonan. Siya an minaldisyon embes na kita, huli ta nasusurat, “An siisay man na binitay sa kahoy minaldisyon.”

Josue 10:26

Ginadan ni Josue an limang hade asin binitay an saindang mga bangkay sa limang kahoy sa bilog na maghapon.

Josue 8:29

Binitay niya sa kahoy an hade kan Ai asin binayaan duman an bangkay sagkod sa hapon. Pagsolnop kan aldaw, ipinababa niya an bangkay asin ipinatapok sa may trangkahan kan syudad. An bangkay tinambakan ninda nin mga gapo na mahihiling pa duman sagkod ngunyan.

1 Samuel 17:44

Nagsabi siya ki David, “Madya na asin itatao ko an saimong hawak sa mga gamgam asin sa mga hayop.”

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.