Genesis 40:15 - Marahay na Bareta Biblia

¹⁵ Bako kong kagustohan an pagdigdi sa Egipto; kinidnap ako sa daga kan mga Hebreyo, asin minsan digdi sa Egipto, mayo akong ginibong ano man tanganing ilaog sa bilanggoan.”

Genesis 40:15 ပူးပေါင်းရင်းမြစ်များ

Genesis 14:13

Alagad igwa nin sarong lalaki na nakadulag, asin an gabos na nangyari inosip niya ki Abram, an Hebreyo na nag-eerok harani sa sagradong mga kahoy ni Mamre na Amorita. Si Mamre asin an saiyang mga tugang na si Escol asin Aner, mga kaapil ni Abram.

Genesis 39:20

Ipinadakop niya si Jose asin ipinabilanggo sa namumugtakan kan mga bilanggo kan hade.

Genesis 40:16

Pagkahiling kan panadero na marahay an paliwanag sa pangatorogan kan kopero kan hade, nagsabi siya ki Jose, “Nagkaigwa man ako nin pangatorogan: suknong ko an tolong basket nin tinapay.

Genesis 41:12

Yaon duman an sarong hoben na Hebreyo, an oripon kan kapitan kan mga bantay. Kan isaysay mi saiya an samong mga pangatorogan, ipinaliwanag niya samo an kahulogan kan mga ini.

Salmo 105:18

An saiyang mga bitis kinadenahan, an saiyang liog binugtakan nin kwelyong lansang,

Salmo 109:2

Huli ta nagtataram tumang sako an mga tawong putikon asin maraot; pinagpapakaraot ninda ako.

Exodo 21:16

“An siisay man na magkidnap nin tawo tanganing ipabakal o gibohon na oripon dapat gadanon.

Daniel 6:22

Ipinadara nin Dios an saiyang anghel tanganing tikomon an ngoso kan mga leon, kaya dai ako nakagat. Ginibo ini nin Dios huli ta aram niyang mayo akong kasalan saiya asin sa saimo, Mahal na Hade.”

Juan 10:32

Kaya sinabihan niya sinda, “Kadakul kan karahayan na ipinahiling ko saindo sosog sa ipinagboot sako kan Ama; arin kaiyan an dahelan ta boot nindo akong gapoon?”

Juan 15:25

Nangyayari ini tanganing maotob an nasusurat sa saindang Katogonan, ‘Ikinaongis ako ninda na mayo nin anoman na dahelan.’

Deuteronomio 24:7

“An siisay man na mangidnap nin kapwa Israelita tanganing oriponon o tanganing ipabakal bilang oripon, kaipuhan gadanon. Sa siring na paagi, mahahale saindo an karatan na ini.

1 Timoteo 1:10

para sa mga marigsok asin mga nakikidorog sa kapareho nindang lalaki o babae, para sa mga parakidnap, mga putikon, mga nagsasaksi nin putik, saka sa mga naggigibo nin anoman na tumang sa tamang katukdoan.

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.