Genesis 4:15 - Marahay na Bareta Biblia

¹⁵ Alagad nagsimbag an Kagurangnan, “Dai. Pitong buhay an magigin kabayadan kan siisay man na gumadan saimo.” Kaya binugtakan nin Kagurangnan si Cain nin sarong tanda bilang patanid sa kiisay man na makasabat saiya tanganing dai siya paggadanon.

Genesis 4:15 ပူးပေါင်းရင်းမြစ်များ

Genesis 4:24

Kun pitong buhay an kabayadan kan buhay ni Cain, Setenta y syeteng buhay an katimbang kan buhay ko.”

1 Mga Hade 16:7

An mensahe nin Kagurangnan laban ki Baasa asin sa saiyang pamilya nag-abot sa paagi ni Propeta Jehu huli kan mga kasalan ni Baasa na ginibo niya tumang sa Kagurangnan. Pinaanggot ni Baasa an Kagurangnan bako sana huli ta nagkasala siya siring kan ginibo ni Jeroboam, kundi huli ta ginadan niya an bilog na pamilya ni Jeroboam.

Salmo 59:11

Dai mo sinda paggadanon, ta tibaad malingaw an sakuyang banwaan; iwarak asin rumpagon mo sinda kan saimong kapangyarihan. O Kagurangnan, samuyang kalasag!

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Mga Talinhaga 6:31

Kun siya madakop, magbabayad siya nin pitong beses; ibabayad niya an gabos niyang rogaring.

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Oseas 1:4

sinabihan nin Kagurangnan si Oseas, “Ngaranan mo siyang ‘Jezreel,’ huli ta dai na mahahaloy, papadusahan ko an hade nin Israel huli kan mga panggagadan na ginibo kan ginikanan niyang si Jehu sa Jezreel. Tataposon ko na an paghahade kan pamilya ni Jehu.

Levitico 26:18

“Kun pakatapos kaiyan, dai man giraray kamo magkuyog sako, dadagdagan ko an padusa saindo nin pitong beses huli kan saindong mga kasalan.

Levitico 26:21

“Kun padagos kamong magtalikod asin dai magdangog sako, dadagdagan ko pa nin pitong beses an saindong padusa huli kan saindong mga kasalan.

Levitico 26:24

ako na mismo an maatubang saindo asin papadusahan ko kamo nin pito pang beses kagabat ki sa mga enot na padusa.

Levitico 26:28

sa sakong labi-labing kaanggotan, ako na an maatubang saindo asin papadusahan ko kamo nin pito pang beses kagabat ki sa mga naenot na padusa.

Mateo 26:52

Sinabihan siya ni Jesus, “Sarongan an espada mo, huli ta an minagamit nin espada, magagadan sa espada.

Kapahayagan 14:11

An aso kan kalayong magpapasakit sainda, mag-iitaas sagkod pa man. An mga nagsamba kan hayop asin kan saiyang ladawan, saka nag-ako kan marka kan ngaran kaiyan, mayo nin kapahingaloan aldaw-banggi.”

Kapahayagan 14:9

May nagsunod naman na ikatolong anghel na nagtaram sa makosog na tingog, “An siisay man na magsamba sa hayop asin sa ladawan kaiyan, dangan mag-ako kan marka sa saiyang angog o sa saiyang kamot,