Genesis 38:24 - Marahay na Bareta Biblia

²⁴ Pakalihis nin tolong bulan, igwang nag-osip ki Juda, “Nagin maraot na babae an manugang mong si Tamar asin bados siya ngunyan.” Nagboot si Juda, “Iluwas nindo siya asin suloon sagkod na magadan.”

Genesis 38:24 ပူးပေါင်းရင်းမြစ်များ

Genesis 20:3

Sarong banggi, nagpahiling an Dios ki Abimelek sa pangatorogan asin nagtaram, “Magagadan ka huli ta kinua mo an babaeng ini na may agom.”

Genesis 20:7

Kaya ngunyan ibalik mo siya sa saiyang agom na si Abraham. Saro siyang propeta asin ipapamibi ka niya tanganing dai ka magadan. Alagad kun dai mo ibalik si Sara, magagadan ka asin an gabos mong nasasakopan.”

Genesis 20:9

kaya inapod ni Abimelek si Abraham asin sinabihan, “Ano ining ginibo mo samo? Ano an nagin kasalan ko saimo ta dinara mo sako asin sa bilog kong nasasakopan an kapahamakan na ini? Ginibo mo sa sako an mga bagay na dai dapat gibohon.

Genesis 34:31

Alagad nagsimbag sinda, “Dai mi maaako na an samong tugang na babae iarog sa sarong maraot na babae.”

Genesis 38:23

Nagsabi si Juda, “Pabayaan ta na saiya an mga gamit ko ta tibaad pagngisihan kita kan mga tawo. Babayadan ko na kuta siya alagad dai mo man siya nahiling.”

2 Samuel 12:5

Naanggot nin marahay si David sa mayaman asin nagsabi, “Isinusumpa ko sa ngaran kan buhay na Kagurangnan na dapat magadan an lalaking naggibo kaini!

2 Samuel 12:7

Nagsabi si Natan ki David, “Ika an lalaking idto. Ini an itinaram nin Kagurangnan na Dios nin Israel: ‘Linahidan taka bilang hade nin Israel asin ilinigtas sa kamot ni Saul.

Parahulit 7:26

Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Ezekiel 16:15

“Alagad ginamit mo an saimong kagayonan asin kabantogan tanganing makidorog sa kiisay man na mag-agi.

Ezekiel 16:25

An saimong kagayonan ilinabog mo sa laboy. Idinolot mo an saimong hawak sa kiisay man na nag-agi, asin aroaldaw nagdugang an saimong pagkani-maraot na babae.

Ezekiel 16:26

Nakidorog ka sa marompot mong mga kataed, an mga Egipcio, asin ginamit mo an saimong pagkani-maraot na babae tanganing paanggoton ako.

Ezekiel 16:28

“Huli ta dai ka nakontento sa iba, nakidorog ka man sa mga taga Asiria. Nagin kadorogan ka ninda, alagad dai ka man giraray nakontento sainda.

Ezekiel 16:41

Susuloon ninda an saimong mga harong asin papadusahan ka ninda sa atubang nin dakul na babae. Oontokon ko an saimong pagigin maraot na babae asin an pagtao mo nin mga regalo sa mga kadorogan mo.

Ezekiel 23:19

Orog siyang nagin maraot; inulit niya an saiyang gibo kan hoben pa siya, kan saro pa siyang maraot na babae duman sa Egipto.

Ezekiel 23:44

Pabalik-balik sinda sa maraot na mga babaeng ini. Daing ontok sindang nagbalik ki Ohola saka ki Oholiba, an mga marompot na babae.

Ezekiel 23:5

Maski agom ko na si Ohola, nagpadagos pa siya sa pakidorog sa ibang lalaki asin napano siya nin marompot na kamawotan para sa mga namomoot saiya na mga taga Asiria.

Oseas 3:3

Sinabihan ko siya na sa halawig na panahon kaipuhan maglingkod siya sako saka dai dapat magin sarong maraot na babae, o makidorog sa ibang lalaki, dangan sa panahon man na iyan paglilingkodan ko siya.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Levitico 20:10

An siisay man na lalaking magdorog sa agom kan saiyang kapwa, gagadanon kaiba kan babae.

Levitico 21:9

Kun an aking babae nin sarong padi magin sarong maraot na babae, ipinapasopog niya an saiyang ama kaya dapat na suloon siya sagkod na magadan.

Roma 14:22

Ika sana saka an Dios an dapat makaaram kan pagtubod mo dapit sa bagay na ini. Paladan an tawong dai pinagriribok kan saiyang konsyensya huli ta aram niyang tama an ginigibo niya.

Deuteronomio 24:16

“An mga magurang dai dapat paggadanon huli sa kasalan kan saindang mga aki; an mga aki dai dapat paggadanon huli sa kasalan kan saindang mga magurang. An sarong tawo gagadanon huli sa kasalan na siya nanggad an nakaginibo.

Hukom 19:2

Alagad naanggot saiya an babae dangan nagpuli sa harong nin saiyang ama sa Betlehem sa Juda asin duman nag-erok sa laog nin apat na bulan.