Genesis 38:14 - Marahay na Bareta Biblia

¹⁴ Kaya hinuba ni Tamar an gubing niyang sa balo asin nagsulot nin iba; tinahoban niya nin belo an saiyang lalawogon dangan tuminukaw sa may trangkahan kan banwaan nin Enaim, sa dalan pasiring sa Timna. Aram ni Tamar na dakula na si Shela, an ngohod na aki ni Juda, alagad dai pa siya itinatao ni Juda ki Shela bilang agom.

Genesis 38:14 ပူးပေါင်းရင်းမြစ်များ

Genesis 24:65

asin naghapot sa sorogoon ni Abraham, “Siisay an lalaking idto na naglalakaw sa oma sa pagsabat sato?” “Siya an kagurangnan ko,” an simbag kan sorogoon. Kaya kinua ni Rebecca an saiyang belo asin tinahoban an saiyang lalawogon.

Genesis 38:15

Kan mahiling ni Juda si Tamar, naghona siya na si Tamar sarong maraot na babae, huli ta tinahoban kaini an saiyang lalawogon.

Genesis 38:19

Nagpuli siya, hinale an belo, asin isinulot giraray an gubing niyang sa balo.

Genesis 38:26

Namidbidan an mga ini ni Juda asin nagsabi siya, “Orog na matanos siya ki sa sako, huli ta dai ko siya itinao sa aki kong si Shela bilang agom.” Dai na nanggad dinorogan ni Juda si Tamar.

Mga Talinhaga 7:10

Dangan sinabat siya kan babae; nakagubing ini nin sa maraot na babae, asin katusohan an nasa puso kaini.

Mga Talinhaga 7:12

o nagtitindog sa sarong kanto, kun minsan sa mga tinampo, kun minsan sa saodan.

Jeremias 3:2

Hilinga an alitoktok kan mga bulod. Igwa daw nin lugar duman na dai mo dinigtaan? Naghalat ka nin mga lalaki sa gilid kan tinampo, arog kan Arab na naghihipa nin mga mabibiktima sa kalangtadan. Dinigtaan mo an daga huli kan saimong karigsokan.

Ezekiel 16:25

An saimong kagayonan ilinabog mo sa laboy. Idinolot mo an saimong hawak sa kiisay man na nag-agi, asin aroaldaw nagdugang an saimong pagkani-maraot na babae.