Genesis 38:10 - Marahay na Bareta Biblia

¹⁰ Dai naoyonan nin Kagurangnan an ginibo niya kaya ginadan man siya nin Kagurangnan.

Genesis 38:10 ပူးပေါင်းရင်းမြစ်များ

Genesis 46:12

Si Juda sagkod an mga aki kaining lalaki na si Shela, Perez, asin Zera. (Si Er saka si Onan nagkagaradan sa Canaan.) An mga aki ni Perez na si Hezron asin si Hamul.

2 Samuel 11:27

Kan matapos an panahon nin pagmondo, kinua ni David si Batsheba asin dinara sa palasyo niya; nagin agom niya si Batsheba dangan nangaki si Batsheba nin sarong lalaki. Alagad dai nawilihan nin Kagurangnan an ginibo ni David.

1 Mga Hade 17:20

Dangan makosog na namibi si Elias, “O Kagurangnan na sakong Dios, tadaw ta tinawan mo nin siring na mangirhat na kasakitan an babaeng balo? Inataman niya ako, dangan ngunyan ginadan mo an aki niyang lalaki!”

1 Mga Cronica 2:3

Lima gabos an aking lalaki ni Juda. Sa agom niyang si Batsua na sarong Cananea, nagkaigwa siya nin tolong aking lalaki na iyo si Er, Onan, asin Sela. Si Er na matuang aki ni Juda nagin maraot, kaya ginadan siya nin Kagurangnan.

1 Mga Cronica 21:7

Naanggot an Dios kan bagay na ini kaya pinadusahan niya an Israel.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Mga Talinhaga 24:18

Aram nin Kagurangnan kun nagngingisi ka, asin dai ka niya mawiwilihan; nin huli kaiyan, tibaad dai na niya padusahan an saimong kaiwal.

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Hageo 1:13

Dangan an mensaheng ini nin Kagurangnan sinabi ni Hageo sa mga tawo: “Kaibahan nindo ako—iyan an panuga ko.”

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 22:34

Nagsimbag si Balaam, “Nagkasala ako. Dai ko aram na nakatindog ka sa dalan tanganing olangon ako; alagad kun sa paghona mo maraot para sako an magpadagos, mapuli na ako.”

Mga Bilang 26:19

An mga kaayon sa tribu ni Juda iyo an mga kamaganakan ni Sela, ni Perez, ni Zera, ni Hezron, asin ni Hamul. (An duwa sa mga aking lalaki ni Juda na si Er asin si Onan, nagadan sa daga nin Canaan.)

1 Samuel 2:25

Kun magkasala an sarong tawo sa saiyang kapwa, pwede pa siyang surogon nin Dios; alagad siisay an makakasurog sa sarong tawong nagkasala sa Kagurangnan?” Alagad dai ninda dinangog an saindang ama; huli ta kabotan nin Kagurangnan na gadanon sinda.