Genesis 37:34 - Marahay na Bareta Biblia

³⁴ Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

Genesis 37:34 ပူးပေါင်းရင်းမြစ်များ

Genesis 37:29

Kan balikan ni Ruben an bubon asin nahiling na mayo na duman si Jose, ginisi niya an saiyang gubing sa kamondoan.

Genesis 42:38

Alagad nagsimbag si Jacob, “Dai nindo pwedeng ipag-iba an aki ko; huli ta gadan na an tugang niya asin siya na sana an natatada. Tibaad may mangyari saiya sa dalan. Gurang na ako asin an kamondoan na dadarahon nindo sako iyo an magadan sako.”

Genesis 44:13

Sa kamondoan kan magturugang, ginirisi ninda an saindang gubing, dangan ikinarga sa mga asno an saindang dara asin nagbalik sa syudad.

2 Samuel 1:11

Sa kamondoan, ginisi ni David an saiyang gubing; siring man an ginibo kan saiyang mga tawohan.

2 Samuel 3:31

Dangan pinagbotan ni David si Joab asin an saiyang mga tawohan na gision an saindang mga gubing, magsulot nin sako, asin magtangis para ki Abner. Sa paglubong, nagsunod si Hadeng David sa kabaong.

1 Mga Hade 20:31

Nagduman saiya an mga opisyal niya asin nagsabi, “Naaraman mi na maheherakon an mga hade sa Israel. Tugote kaming magduman sa hade nin Israel na nahahagkosan nin sako an samong mga habayan asin nagagakodan nin lubid an samong mga liog. Tibaad dai ka niya ipagadan.”

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

2 Mga Hade 19:1

Kan madangog ini ni Hadeng Ezekias, ginisi niya an saiyang gubing, nagsulot siya nin sako, asin nagduman sa Templo nin Kagurangnan.

2 Mga Hade 2:12

Nahiling ini ni Eliseo asin nagkurahaw siya ki Elias, “Ama ko, ama ko! Makosog na parasurog nin Israel! Mayo ka na!” Asin dai na niya nahiling si Elias. Sa kamondoan, ginisi ni Eliseo an saiyang gubing sa duwang kabtang.

2 Mga Hade 22:11

Kan madangog kan hade an nasusurat sa libro, ginisi niya an saiyang gubing.

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

1 Mga Cronica 7:22

Nagmondo an ama nindang si Efraim sa halawig na panahon. Nag-abot an mga tugang ni Efraim asin rinanga siya.

Nehemias 9:1

Kan ikabeynte y kwatrong aldaw kan bulan na idto, nagtiripon an banwaan nin Israel sa pag-ayuno asin pagmondo para sa saindang mga kasalan. Nagsulot sinda nin sako saka nagbugtak nin daga sa saindang mga payo bilang tanda nin pagmondo.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

An Libro ni Job 16:15

“Nagsulot ako nin sako, asin daog na nagtukaw ako digdi sa alpog.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

Salmo 69:11

Kan magsulot ako nin gubing sa pagmondo, pinagngisihan ninda ako.

Isaias 32:11

Namuhay kamo nin matiwasay asin mayo nin mga kahaditan; alagad pagtakig kamo sa takot! Hubaa nindo an saindong mga gubing, asin pagsulot kamo nin sako.

Isaias 36:22

Dangan ginisi ni Eliakim, ni Sebna, saka ni Joa an saindang gubing sa kamondoan asin nagduman sa hade. Ibinareta ninda saiya an itinaram kan opisyal nin Asiria.

Jeremias 36:24

Alagad dai lamang natakot o nagpahiling nin anoman na tanda nin pagmondo an hade, ni an siisay man sa mga opisyal niya.

Jeremias 48:37

Inaris ninda an saindang buhok saka inahit an saindang barabas. Linugad ninda an saindang mga kamot saka nagsulot nin sako.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.

Mateo 26:65

Pakadangog kaini kan Halangkaw na Padi, ginisi niya an sulot niyang gubing asin nagsabi, “An tawong ini naglanghad sa Dios! Dai na kita nangangaipo nin mga saksi! Nadangog nindo ngunyan an saiyang paglanghad!

Mga Gibo 14:14

Alagad kan maaraman ini kan duwang apostol, ginisi ninda an saindang mga sulot na gubing dangan duminalagan sinda sa tahaw kan mga tawo asin nagkurahaw,

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”

Hukom 11:35

kaya kan mahiling siya ni Jefta, ginisi niya an saiyang gubing sa kamondoan dangan nagsabi, “Aki ko, rinoronot mo an puso ko! Tano ta ika pa an magigin dahelan kan sakong kamondoan? Nanuga ako sa Kagurangnan asin dai ko na pwedeng bawion pa iyan!”