Genesis 37:27 - Marahay na Bareta Biblia

²⁷ Ipabakal ta na sana siya sa mga Ismaelitang iyan; sa siring na paagi, dai na kaipuhan na kulogon ta pa siya; tugang ta siya, sadiri tang dugo saka laman.” Dinangog siya kan saiyang mga tugang.

Genesis 37:27 ပူးပေါင်းရင်းမြစ်များ

Genesis 29:14

asin nagsabi ini, “Tunay nanggad na laman ka nin sakong laman asin dugo nin sakong dugo.” Duman na nag-erok si Jacob sa laog nin sarong bulan.

Genesis 37:22

Dai kita magpabulos nin dugo; ihulog ta na sana siya sa bubon na ini digdi sa kalangtadan, alagad dai ta siya pagkulogan.” Sinabi niya ini tanganing iligtas si Jose sa saindang mga tugang dangan papulion siya sa saiyang ama.

Genesis 42:21

asin nag-orolay, “Nagbabayad na kita ngunyan kan ginibo ta sa satong tugang. Nahiling nyato an saiyang kasakitan kan makimaherak siya sato, alagad dai ta siya dinangog. Ngunyan kita man an pinapasakitan.”

Genesis 50:20

Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan.

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

Nehemias 5:5

An samong rasa pareho man kan rasa kan kapwa mi Judio; an samong mga aki pareho man kan saindang mga aki. Alagad napipiritan kaming ipaoripon an samong mga aki. An nagkapira ming aking babae ipinabakal na bilang mga oripon. Mayo kaming magiginibo kaini huli ta kinua na kan iba an samong mga oma saka mga ubasan.”

Nehemias 5:8

dangan nagtaram ako, “Sagkod na kaya mi pa, tinutubos mi an kapwa ta Judio na nagpabarakal kan saindang sadiri sa mga dayuhan. Alagad ngunyan pinipirit nindo an sadiri nindong mga tugang na ipabakal an sadiri ninda sa saindo na kapwa ninda Judio!” Dai sinda naggirong asin dai nakasimbag nin anoman.

Exodo 21:16

“An siisay man na magkidnap nin tawo tanganing ipabakal o gibohon na oripon dapat gadanon.

Exodo 21:21

Alagad kun nabuhay pa an oripon sa laog nin saro o duwang aldaw, dai na papadusahan an kagurangnan; an mawaraan siya nin oripon maninigo nang padusa saiya.

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Mateo 26:15

asin nagsabi, “Pira an ibabayad nindo sako kun itao ko saindo si Jesus?” Asin binayadan ninda siya nin treyntang pedaso nin kwartang plata.

1 Timoteo 1:10

para sa mga marigsok asin mga nakikidorog sa kapareho nindang lalaki o babae, para sa mga parakidnap, mga putikon, mga nagsasaksi nin putik, saka sa mga naggigibo nin anoman na tumang sa tamang katukdoan.

Kapahayagan 18:13

kanela, rekado, kamangyan, mira saka insenso; arak, lana, arina saka trigo; mga baka, mga karnero, mga kabayo saka mga karwahe; mga oripon asin mga tawong ipinapabakal.

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)