Genesis 37:26 - Marahay na Bareta Biblia

²⁶ Nagsabi si Juda sa saiyang mga tugang, “Anong pakinabang an mapapasato kun gadanon ta an satong tugang asin matahoban an krimen?

Genesis 37:26 ပူးပေါင်းရင်းမြစ်များ

Genesis 25:32

Nagsimbag si Esau, “Sige! Magagadan na ako sa gutom, kaya ano pa an halaga kan sakong deretso bilang matuang aking lalaki?”

Genesis 37:20

Madya kamo, gadanon ta siya; pakatapos ihulog ta siya sa saro kan mga mamarang bubon. Dangan sabihon tang ginadan siya nin sarong maringis na hayop. Hilingon ta kun ano an mangyayari sa mga pangatorogan niya.”

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Genesis 4:9

Hinapot nin Kagurangnan si Cain, “Haen si Abel na saimong tugang?” Nagsimbag siya, “Dai ko aram. Ano ako, paraataman kan sakong tugang?”

Genesis 40:15

Bako kong kagustohan an pagdigdi sa Egipto; kinidnap ako sa daga kan mga Hebreyo, asin minsan digdi sa Egipto, mayo akong ginibong ano man tanganing ilaog sa bilanggoan.”

Genesis 42:21

asin nag-orolay, “Nagbabayad na kita ngunyan kan ginibo ta sa satong tugang. Nahiling nyato an saiyang kasakitan kan makimaherak siya sato, alagad dai ta siya dinangog. Ngunyan kita man an pinapasakitan.”

Genesis 50:20

Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan.

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

An Libro ni Job 16:18

“O daga, hare pagtagoa an mga karatan na ginibo sako! Hare pag-ontoka an sakong inagrangay para sa katanosan!

Salmo 30:9

“Anong pakinabang mo kun ako magadan, kun ako maghilig sa lulubngan? Oomawon ka daw kan alpog? Ikakabalangibog daw kaini an saimong pagkamaimbod?

Jeremias 36:25

Maski nakimaherak sa hade si Elnatan, si Delaias, asin si Gemarias na dai pagsuloon an kasuratan, dai sinda dinangog kan hade.

Jeremias 41:8

Alagad sampolo sa sainda an nagsabi ki Ismael, “Dai mo kami paggadanon! Igwa kami nin dakul na trigo, sebada, lana nin oliba, asin dugos na nakatago sa kaomahan.” Kaya dai niya sinda ginadan.

Ezekiel 24:7

Igwa nin panggagadan sa syudad, alagad pinabulos an dugo bako sa daga tanganing matambonan kan alpog, kundi sa nahihiling na gapo.

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Deuteronomio 17:8

“Kun igwa nin mga kaso na dipisil hukoman kan mga hukom sa saindong mga banwa, arog baga kun siisay an tunay na kagsadiri, o mga kaso nin pangungulog asin nin paggadan o dai tinuyong paggadan, an mga ini darahon nindo duman sa lugar na pagsasambahan na pinili nin Kagurangnan na saindong Dios.