Genesis 37:24 - Marahay na Bareta Biblia

²⁴ dangan dinara siya ninda asin ihinulog sa sarong mamarang bubon.

Genesis 37:24 ပူးပေါင်းရင်းမြစ်များ

Genesis 37:23

Kaya pag-abot ni Jose sa saiyang mga tugang, hinubaan siya ninda kan halaba niyang gubing na may manggas;

Genesis 37:25

Mantang nagkakakan sinda, nahiling ninda an grupo nin Ismaelita na hale sa Gilead asin mapaduman sa Egipto. An saindang mga kamelyo kargado nin mga pahamot, balsamo, saka mira.

Genesis 42:21

asin nag-orolay, “Nagbabayad na kita ngunyan kan ginibo ta sa satong tugang. Nahiling nyato an saiyang kasakitan kan makimaherak siya sato, alagad dai ta siya dinangog. Ngunyan kita man an pinapasakitan.”

Salmo 35:7

Mayong dahelan na nagbugtak sinda nin siod para sako; mayong dahelan na nagkalot sinda sa pagdakop sako.

Salmo 40:2

Hinawas niya ako sa makatakot na kutkot; hale sa hararom na laboy. Mga bitis ko pinamugtak niya sa gapo; mga lakad ko saiyang pinakosog.

Salmo 88:6

Itinapok mo ako sa kairaroman kan lulubngan, sa pinakamadiklom saka pinakahararom na kalot.

Salmo 88:8

Ginibo mong bayaan ako kan sakong mga katood; para sainda ako sarong bagay na nakakatakot. Ako nabibilanggo asin dai makakadulag;

Jeremias 38:6

Kaya kinua ninda ako saka itinunton sa bubon ni Prinsipe Malkias, na yaon sa patyo kan palasyo. Bakong tubig kundi laboy an laog kan bubon, asin nag-irarom ako sa laboy.

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Zacarias 9:11

Nagtataram an Kagurangnan, “Huli kan pakikipagtipan ko saindo na sinelyohan kan dugo nin mga sakripisyo, tatalingkasan ko an saimong banwaan— talingkas sa mayong tubig na kalot nin pagtapokan.