Genesis 37:22 - Marahay na Bareta Biblia

²² Dai kita magpabulos nin dugo; ihulog ta na sana siya sa bubon na ini digdi sa kalangtadan, alagad dai ta siya pagkulogan.” Sinabi niya ini tanganing iligtas si Jose sa saindang mga tugang dangan papulion siya sa saiyang ama.

Genesis 37:22 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 37:21

Nadangog ni Ruben an sinabi ninda kaya naghingowa siyang iligtas si Jose. Nagsabi siya, “Dai ta na siya paggadanon.

Genesis 37:23

Kaya pag-abot ni Jose sa saiyang mga tugang, hinubaan siya ninda kan halaba niyang gubing na may manggas;

Genesis 42:22

Nagsabi si Ruben, “Sinabihan ko na kamong dai nindo pagkulogon an aki, alagad habo kamong magdangog. Kaya nagbabayad kita ngunyan kan pagkagadan niya.”

Exodo 24:11

Dai inano nin Dios an mga kamagurangan nin Israel. Nahiling ninda an Dios dangan nagkarakan asin nag-irinom sinda.

Jeremias 36:25

Maski nakimaherak sa hade si Elnatan, si Delaias, asin si Gemarias na dai pagsuloon an kasuratan, dai sinda dinangog kan hade.

Mateo 27:24

Kan mahiling ni Pilato na dai siyang magiginibo, ata ngani orog na nagriribok an mga tawo, nagpakua siya nin tubig asin naghanaw kan saiyang mga kamot sa atubangan kan mga tawo. “Dai akong sala sa kagadanan kan tawong ini. Kabotan nindo ini!” an sabi niya.

Mga Gibo 12:1

Kan panahon man na iyan, pinasakitan ni Hadeng Herodes an nagkapirang mga kaayon sa simbahan.

Deuteronomio 13:9

Gadanon nindo siya! Pangenotan nindo an paggapo saiya, dangan pabayaan nindong gapoon siya kan gabos.