Genesis 37:21 - Marahay na Bareta Biblia

²¹ Nadangog ni Ruben an sinabi ninda kaya naghingowa siyang iligtas si Jose. Nagsabi siya, “Dai ta na siya paggadanon.

Genesis 37:21 ပူးပေါင်းရင်းမြစ်များ

Genesis 35:22

Kan nag-eerok na si Jacob sa dagang idto, dinorogan ni Ruben si Bilha na saro kan mga kasaroan nin saiyang ama; naanggot nin marahay si Jacob kan maisihan ini. Dose an mga aking lalaki ni Jacob.

Genesis 37:22

Dai kita magpabulos nin dugo; ihulog ta na sana siya sa bubon na ini digdi sa kalangtadan, alagad dai ta siya pagkulogan.” Sinabi niya ini tanganing iligtas si Jose sa saindang mga tugang dangan papulion siya sa saiyang ama.

Genesis 42:22

Nagsabi si Ruben, “Sinabihan ko na kamong dai nindo pagkulogon an aki, alagad habo kamong magdangog. Kaya nagbabayad kita ngunyan kan pagkagadan niya.”

Genesis 9:5

Papadusahan ko an siisay man na maggadan nin tawo. Kagadanan an padusa sa hayop man o tawo na makagadan nin tawo.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Josue 10:28

Kan aldaw na idto, sinalakay asin sinakop ni Josue an Makkeda asin an hade duman. Ginadan niya an gabos na nasa syudad; mayo siyang itinadang buhay. Ginibo niya sa hade kan Makkeda an ginibo niya sa hade kan Jerico.