Genesis 37:20 - Marahay na Bareta Biblia

²⁰ Madya kamo, gadanon ta siya; pakatapos ihulog ta siya sa saro kan mga mamarang bubon. Dangan sabihon tang ginadan siya nin sarong maringis na hayop. Hilingon ta kun ano an mangyayari sa mga pangatorogan niya.”

Genesis 37:20 ပူးပေါင်းရင်းမြစ်များ

Genesis 37:19

Nag-orolay-olay sinda, “Nagdadangadang an parapangatorogan.

Genesis 37:26

Nagsabi si Juda sa saiyang mga tugang, “Anong pakinabang an mapapasato kun gadanon ta an satong tugang asin matahoban an krimen?

Genesis 37:32

Dinara ninda an gubing sa saindang ama asin sinabihan, “Nakua mi ini. Midbida daw kun gubing ini ni Jose.”

Genesis 37:33

Namidbidan ini ni Jacob asin nagsabi, “Saiya an gubing na ini! Ginadan siya nin sarong maringis na hayop. Daing duwa-duwa na nagkaperedaso si Jose!”

Genesis 45:3

Sinabihan ni Jose an saiyang mga tugang, “Ako si Jose. Buhay pa an sakong ama?” Alagad kan madangog ini kan saiyang mga tugang, nagkatarakot sinda kaya dai nakasimbag.

1 Mga Hade 13:24

Naghale na siya, asin sa dalan sinabat siya saka ginadan nin sarong leon. Nakatapok sa dalan an saiyang bangkay asin nagtindog sa kataed kaini an asno saka an leon.

2 Mga Hade 2:24

Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

Salmo 64:5

Nagsisinadolan sinda dapit sa mga maraot na gigibohon; pinag-oolayan an pagbugtak nin mga siod na hilom. Olay ninda, “Siisay an makakahiling sato?

Mga Talinhaga 1:10

Aki ko, dai ka maghonod kun sugotan ka kan mga parakasala.

Mga Talinhaga 1:16

An saindang mga bitis nagdadalagan sa paggibo nin karatan, naghihidali sinda sa panggagadan.

Mga Talinhaga 10:18

Putikon an tawong igwa nin natatagong kaanggotan; lolong an tawong nagbabalobagi.

Mga Talinhaga 27:4

Makuri saka nakakatakot an kaanggotan, alagad siisay an makakatagal sa pag-imon?

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Juan 3:12

Dai ngani kamo minatubod sako kun sinasabihan ko kamo kan mga bagay na kinabanon; paano kamong magtubod kun sabihan ko kamo kan mga bagay na langitnon?

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

1 Samuel 24:20

Ngunyan ko napatunayan na ika an magigin hade nin Israel asin an kahadean na iyan magdadanay sa pamamahala mo.

1 Samuel 26:2

Nagduman tolos si Saul sa kalangtadan nin Zif kaiba an tolong ribo kan pinakamarahay na mga soldados nin Israel, tanganing hanapon si David.