Genesis 37:11 - Marahay na Bareta Biblia

¹¹ Kaya naori saiya an saiyang mga tugang alagad an bagay na ini pinaghorophorop kan saiyang ama.

Genesis 37:11 ပူးပေါင်းရင်းမြစ်များ

Genesis 24:31

dangan nagsabi, “Madya sa harong, ika, na benendisyonan nin Kagurangnan. Tano ta nagtitindog ka digdi sa luwas? Inandam ko na an kwarto para saimo asin an lugar para sa mga kamelyo.”

Genesis 37:12

Sarong aldaw, nagpaduman sa Shekem an mga tugang ni Jose tanganing pasabsabon an mga hayop kan saindang ama.

Genesis 42:9

Nagiromdoman ni Jose an saiyang mga pangatorogan. Nagsabi siya sainda, “Mga espiya kamo; nagdigdi kamo tanganing aramon an kaluyahan kan dagang ini.”

Salmo 106:16

Duman sa kampo, kan naori sinda ki Moises asin ki Aaron, an banal na sorogoon nin Kagurangnan,

Parahulit 4:4

Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Isaias 11:13

Dai na pag-iimonan kan kahadean nin Israel an Juda, asin dai na magigin kaiwal nin Israel an Juda.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Mateo 27:18

Huli ta aram ni Pilato na dinara ninda si Jesus saiya dahel sa pagkaori.

Markos 15:10

Aram ni Pilato na si Jesus dinara saiya kan mga poon na padi dahel sa pagkaori.

Lukas 2:19

Ini gabos rinimpos ni Maria sa saiyang puso asin pinaghorop-horop.

Lukas 2:51

Uminiba sainda si Jesus sa Nazaret asin nagin makinuyog-kuyog siya sainda. An gabos na ini rinimpos kan saiyang ina sa puso niya.

Mga Gibo 13:45

Kan mahiling kan mga Judio an kadakul na tawo, naori sinda; kaya diniskutir ninda si Pablo saka sinupog.

Mga Gibo 7:9

“Naori an ibang patriarka sa tugang nindang si Jose, kaya ipinabakal siya ninda sa mga taga Egipto. Alagad dai siya pinabayaan nin Dios;

Galacia 5:21

pag-ori, pagburat, dororogan, asin iba pang bagay na arog kaiyan. Pinapatanidan ko kamo siring sa ginibo ko kaidto: an mga naggigibo kan mga bagay na ini dai magmamana kan Kahadean nin Dios.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”

1 Samuel 18:8

Dai ini nagustohan ni Saul, asin naanggot siya nin marahay. Nagsabi siya, “Ipinanongod ninda ki David an manampolong ribo, alagad rinibo sana sako. Ano pa an sunod na ipapanongod ninda saiya kundi an kahadean!”