Genesis 36:31 - Marahay na Bareta Biblia

^31-39 An mga hadeng ini iyo an pasurunod-sunod na naghade sa Edom bago nagkaigwa nin hade sa Israel: Si Bela na aking lalaki ni Beor na taga Dinhaba Si Jobab na aking lalaki ni Zera na taga Bozra Si Husam na hale sa rehiyon nin Teman Si Hadad na aking lalaki ni Bedad na taga Avit (siya an nakadaog kan mga Midianita sa sarong gera sa daga nin Moab) Si Samla na taga Masreka Si Shaul na taga Rehobot sa Eufrates Si Baal-hanan na aking lalaki ni Akbor Si Hadad na taga Pau (an agom niya iyo si Mehetabel na aki ni Matred asin makoapo ni Mezahab)

Genesis 36:31 ပူးပေါင်းရင်းမြစ်များ

Genesis 17:16

Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”

Genesis 17:6

Tatawan taka nin dakul na kapagarakian asin gigibohon ko sindang mga nasyon patin magigin mga hade an iba sainda.

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

Genesis 35:11

Nagtaram saiya an Dios, “Ako an Makakamhan na Dios. Magkaigwa ka nin dakul na aki. Gigikanan ka nin dakul na nasyon asin sa saimo magikan an mga hade.

Mga Bilang 20:14

Hale sa Kades, nagpadara si Moises nin mga sugo sa hade kan Edom. Olay ninda, “An mensaheng ini hale sa saimong mga kadugo, an mga tribu nin Israel. Nakakaisi ka kan mga kasakitan na uminabot samo,

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Deuteronomio 33:5

Nagin hade an Kagurangnan kan saiyang banwaan na Israel, kan magkatiripon an saindang mga tribu asin mga lider.