Genesis 35:5 - Marahay na Bareta Biblia

⁵ Kan magpoon na sindang maglakaw, natakot nin marahay an mga tawong nag-eerok sa mga syudad sa palibot ninda, kaya dai sinda linamag kan mga ini.

Genesis 35:5 ပူးပေါင်းရင်းမြစ်များ

Genesis 34:30

Nagsabi si Jacob ki Simeon asin ki Levi, “Dinarahan nindo ako nin problema; maaanggot sako an mga Cananeo, mga Perezeo saka an gabos na nag-eerok digdi sa daga. Dikit an tawohan ko; kun magkaboronyog sinda laban sako asin salakayon ako, magagadan an bilog tang pamilya.”

Genesis 35:4

Kaya itinao ninda ki Jacob an gabos nindang mga dayuhan na dios sagkod an mga hikaw na sulot ninda. Ilinubong ini gabos ni Jacob sa irarom kan poon nin sarong hamurawon na kahoy na harani sa Shekem.

2 Mga Cronica 14:13

Linamag sinda ni Asa asin kan mga kairiba kaini sagkod sa Gerar. Nadaog an mga taga Etiopia asin nagadan sinda gabos. Dinaog sinda nin Kagurangnan asin dakul an nasamsam kan mga taga Juda.

2 Mga Cronica 14:14

Dangan narumpag ninda an mga syudad sa palibot nin Gerar huli ta an mga tawo duman natakot sa Kagurangnan. Sinamsaman kan hukbo an mga syudad na ini asin dakul an saindang nakua.

2 Mga Cronica 17:10

Ginibo nin Kagurangnan na matakot an gabos na kahadean sa palibot nin Juda, kaya dai sinda nakigera ki Jehosafat.

Salmo 105:14

Alagad dai nagtugot an Dios na igwang mag-api sainda; an mga hade saiyang pinatanidan huli sainda.

Salmo 14:5

Alagad sinda gabos magkakatarakot, huli ta kaibahan nin Dios an mga matanos.

Exodo 23:27

“Gigibohon ko na matakot sako an mga tawo na makontra sa saindo. Riribongon ko an mga banwaan na lalabanan nindo dangan masibog sinda saka madulag.

Exodo 34:24

Huli ta mantang kamo naglalaog, papahaleon ko an mga banwaan asin papahiwason ko an saindong teritoryo; mayo nin siisay man na magmamawot na sakopon an saindong daga sa panahon na maatubang kamo sako sa tolong pyestang ini.

Deuteronomio 11:25

Saen man kamo magduman sa dagang idto, gigibohon nin Kagurangnan na saindong Dios na matakot saindo an mga tawo, siring sa ipinanuga niya, asin mayo nin siisay man na makakapugol saindo.

Deuteronomio 2:25

Magpoon ngunyan na aldaw, gigibohon kong katakotan kamo kan gabos na tawo sa kinaban. Magtatarakig sa takot an siisay man na makadangog kan saindong ngaran.’

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

1 Samuel 11:7

Kinua niya an duwang baka, pinedaso an mga ini, asin sa paagi nin mga sugo, ipinadara idto sa bilog na daga nin Israel kaiba an patanid na ini, “Pepedasohon man an baka kan siisay man na dai magsunod ki Saul asin ki Samuel sa pakigera!” Nagkatarakot an mga Israelita sa pwedeng gibohon nin Kagurangnan, kaya gabos sinda nag-iriba sa gera.

1 Samuel 14:15

Nagkatarakot an gabos na Filisteo sa saindang namumugtakan; tinarakigan an mga parasalakay saka an mga soldados na nasa kampo huli sa takot; naglinog an daga, asin nagkaigwa nin dakulang kariribokan.