Genesis 35:2 - Marahay na Bareta Biblia

² Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

Genesis 35:2 ပူးပေါင်းရင်းမြစ်များ

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Genesis 31:19

Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:30

Aram kong naghale ka huli ta gusto mong makapuli sa saindo, alagad tano ta hinabon mo an sakong mga dios-dios?”

Genesis 31:34

Kinua na palan ni Rachel an mga dios-dios ni Laban, itinago sa kamadero kan kamelyo asin tinukawan an mga ini. Naghanap si Laban kan saiyang mga dios-dios sa bilog na tolda, alagad dai niya nakua duman.

Genesis 34:2

Kan mahiling siya ni Shekem, na aki ni Hamor na Heveo, na prinsipe kan daga, kinua siya kaini asin linupigan.

Genesis 35:22

Kan nag-eerok na si Jacob sa dagang idto, dinorogan ni Ruben si Bilha na saro kan mga kasaroan nin saiyang ama; naanggot nin marahay si Jacob kan maisihan ini. Dose an mga aking lalaki ni Jacob.

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

2 Mga Hade 17:29

Alagad an mga tawo na nag-erok sa Samaria nagpadagos sa paggibo kan ladawan kan saindang mga dios. Ibinugtak ninda ini sa mga lugar na pagsasambahan na tinugdok kan mga Israelita. An lambang grupo naggibo nin mga ladawan kan mga dios sa mga syudad na pinag-eerokan ninda:

2 Mga Hade 5:10

Pinaluwas ni Eliseo an sarong sorogoon tanganing magsabi, “Lakaw, maghugas ka nin pitong beses sa Salog nin Jordan asin an saimong kublit maoomayan saka magigin malinig.”

1 Mga Cronica 16:26

An mga dios kan ibang nasyon mga dios-dios sana alagad an kalangitan linalang nin Kagurangnan.

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

Salmo 51:2

Hugasi ako kan gabos kong karatan; linigi ako kan sakong mga kasalan!

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Exodo 19:14

Naghilig sa bukid si Moises asin pinaandam an mga tawo para sa pagsamba. Kaya linabahan ninda an saindang mga gubing.

Exodo 23:13

“Dangoga nindo an gabos kong itinaram. Dai kamo mamibi sa ibang mga dios; maski an saindang ngaran dai nanggad nindo pagsambiton.

Parahulit 5:1

Mag-ingat ka kun minaduman ka sa Templo. An magrani tanganing maghinanyog mas marahay ki sa magdolot nin sakripisyo siring sa ginigibo kan mga lolong na tawo, na dai aram na naggigibo sinda nin maraot.

Isaias 1:16

Maghanaw ka; maglinig ka kan saimong sadiri; halea an maraot mong mga gibo sa atubang ko; mag-ontok ka sa paggibo nin karatan,

Isaias 52:11

Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 16:20

Makakagibo daw an tawo nin sadiri niyang mga dios? Dai! Kun gumibo siya, an mga iyan dai pwedeng magin totoong dios.”

Jeremias 5:7

Naghapot an Kagurangnan, “Tadaw ta papatawadon ko an kasalan kan sakong banwaan? Binayaan ninda ako asin nagsamba sinda sa mga dios na bako man totoong dios. Pinakakan ko an sakong banwaan sagkod na sinda nabasog, alagad nakidorog sinda sa bako nindang agom saka sinayang ninda an saindang panahon sa mga babaeng maraot.

Ezekiel 18:31

Bayaan nindo an gabos na kasalan na naginibo nindo tumang sako, asin magkua kamo para saindo nin bagong puso saka bagong espiritu! Kamong mga Israelita, tadaw ta boot nindong magadan?

Ezekiel 20:7

Tinaraman ko sindang itapok an makauuyam na mga bagay na namomotan ninda asin na dai ninda pagdigtaan an saindang sadiri huli kan mga dios-dios nin Egipto, huli ta ako an Kagurangnan na saindang Dios.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Daniel 5:4

Nag-irinom sinda nin arak, asin nag-oromaw sa mga dios-dios na gibo sa bulawan, plata, bronse, lansang, kahoy, saka gapo.

Levitico 15:5

An siisay man na makaduta sa higdaan

Levitico 17:16

Kun dai niya iyan gibohon, magkakasala siya.

Mga Bilang 31:24

Sa ikapitong aldaw kaipuhan labahan nindo an saindong mga gubing; dangan magigin malinig na kamo asin tutugotan nang maglaog sa kampo.”

Mga Gibo 19:26

Nahihiling saka nadadangog nindo kun ano an ginigibo kan Pablong ini. Sinasabi niya na an mga dios na gibo nin tawo bako daang dios. Dakul na an mga tawong napatubod niya, bako sana digdi sa Efeso kundi haros sa bilog na Asia.

1 Corinto 10:7

Kaya dai kamo magsamba sa mga dios-dios, arog kan ginibo kan iba sainda, siring sa nasusurat, “An mga tawo nagturukaw tanganing magkarakanan asin mag-irinoman; an saindang pyesta nagtapos sa bururatan asin dororogan.”

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Galacia 4:8

Kaidto na bako pa nindo midbid an Dios, oripon kamo kan mga espiritu na bakong hale sa Dios.

Deuteronomio 11:28

alagad sarong maldisyon kun talikodan nindo an mga pagboot na ini asin magsamba kamo sa mga dios-dios na dai pa nindo sinamba kaidto.

Deuteronomio 32:16

Pinapag-imon ninda an Kagurangnan kan saindang pagsamba sa mga dios-dios; pinaanggot siya ninda kan saindang marigsok na mga gibo.

Deuteronomio 5:7

“‘Dai kamo nin ibang dios na sasambahon kundi ako sana.

Deuteronomio 6:14

Dai kamo magsamba sa ibang dios, sa arin man na dios kan mga banwaan sa palibot nindo.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!

Josue 23:7

asin dai nanggad kamo makiiba sa mga tawong ini na natatada pa diyan sa kaibahan nindo o kaya magsambit kan ngaran kan saindang mga dios-dios o magsumpa sa ngaran kan mga iyan o magsamba asin magluhod sa mga iyan.

Josue 24:14

“Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Josue 24:2

Sinabihan ni Josue an mga tawo, “Iyo ini an tataramon nin Kagurangnan, an Dios nin Israel: ‘Kaidtong panahon, an saindong mga ginikanan nag-erok sa ibong kan Salog nin Eufrates asin nagsamba sa ibang mga dios. An saro sa mga ginikanan na ini iyo si Tera, na ama ni Abraham asin ni Nahor.

Josue 24:20

Kun talikodan nindo siya tanganing maglingkod sa dayuhan na mga dios, maaanggot siya saindo saka papadusahan niya kamo. Gagadanon niya kamo, maski ngani marahay siya kaidto sa saindo.”

Josue 24:23

“Kun siring, halea nindo an dayuhan na mga dios na yaon saindo asin manumpa kamo na magigin maimbod kamo sa Kagurangnan, an Dios nin Israel,” an olay ni Josue sa mga tawo.

Judas 1:23

iligtas nindo an iba sa paagi kan pag-agaw sainda sa kalayo. Siring man maherak kamo sa iba, alagad mag-ingat kamo; kaongisan nindo maski an gubing na nadigtaan kan saindang kadustaan.

Hukom 10:16

Kaya hinarale ninda an saindang dayuhan na mga dios asin nagsamba sa Kagurangnan. Huli kaini, naherak giraray an Kagurangnan sa kamugtakan nin Israel.

Ruth 1:15

Kaya sinabihan siya ni Naomi, “Ruth, nagbalik na an saimong bilas sa saiyang banwaan asin sa saiyang dios. Magpuli ka na kaiba niya.”

1 Samuel 16:5

“Iyo,” an simbag ni Samuel. “Nagdigdi ako tanganing magdolot nin sakripisyo sa Kagurangnan. Maglinig kamo kan saindong sadiri asin mag-iba sako.” Sinabihan man niya si Jesse asin an mga aking lalaki kaini na maglinig kan saindang sadiri saka inalok niya sinda sa pagsakripisyo.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”