Genesis 35:19 - Marahay na Bareta Biblia

¹⁹ Nagadan si Rachel asin ilinubong sa may dalan pasiring sa Efrat (na ngunyan inaapod Betlehem).

Genesis 35:19 ပူးပေါင်းရင်းမြစ်များ

Genesis 35:16

Naghale sa Betel si Jacob kaiba an saiyang pamilya, asin kan harani na sinda sa Efrat, nag-abot an oras kan pangaki ni Rachel; dipisil an saiyang pangaki.

Genesis 35:18

Alagad naghihingagdan na si Rachel asin bago siya nautsan, nginaranan niyang Benoni an saiyang aki, alagad inapod ining Benjamin kan saiyang ama.

Genesis 48:7

Ginigibo ko ini huli ki Rachel na saimong ina. Kan maghale ako sa Mesopotamia, nagadan si Rachel duman sa daga nin Canaan harani sa Efrat. Ipinagmondo ko nin marahay an saiyang kagadanan. Duman ko siya ilinubong sa tampi kan dalan pasiring sa Efrat.” (An lugar na ini midbid ngunyan sa ngaran na Betlehem.)

2 Samuel 23:14

Yaon kaidto si David sa sarong bantayan, asin sinakop na kaidto nin sarong grupo nin mga Filisteo an Betlehem.

2 Samuel 23:15

Napungaw si David asin nagsabi, “Kun igwa lamang kutanang makatao sako nin maiinom na tubig na hale sa bubon na nasa may trangkahan kan Betlehem!”

1 Mga Cronica 2:51

An ikaduwa niyang aki na si Salma iyo an ama ni Betlehem; asin an ikatolo niyang aki na si Haref iyo an ama ni Bet-gader.

2 Mga Cronica 11:6

an Betlehem, Etam, Tekoa,

Esdras 2:21

Mga tawong nagbalik man hale sa pagkatapokan, na an mga ginikanan nag-erok sa mga lugar na ini: Betlehem syento beynte y tres Netofa singkwenta y seis Anatot syento beynte y otso Asmavet kwarenta y dos Kiriat-jearim, Kefira, asin Beerot syete syentos kwarenta y tres Rama asin Geba seis syentos beynte y uno Mikmas syento beynte y dos Betel asin Ai dos syentos beynte y tres Nebo singkwenta y dos Magbis syento singkwenta y seis An saro pang Elam mil dos syentos singkwenta y kwatro Harim tres syentos beynte Lod, Hadid, asin Ono syete syentos beynte y singko Jerico tres syentos kwarenta y singko Senaa tres mil seis syentos treynta

Salmo 132:6

Sa Betlehem nabaretaan mi an manongod sa Kaban nin Tipan, asin nakua mi ini sa kaomahan nin Jearim.

Mikas 5:1

Banwaan nin Jerusalem, tipona an saimong hukbo! Napapalibotan na kita! Sinasalakay ninda an lider nin Israel!

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mikas 6:2

Kamong mga bukid, asin kamo na nagdadanay na mga pundasyon kan daga; dangoga nindo an reklamo nin Kagurangnan. An Kagurangnan igwa nin reklamo laban sa saiyang banwaan. Sasangatan niya nin kaso an Israel.

Mateo 2:1

Namundag si Jesus sa Betlehem nin Judea, kan si Herodes an hade. Dai nahaloy, nag-abot sa Jerusalem an mga mago hale sa sirangan.

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Josue 19:15

Sakop kaiyan an Kattat, Nahalal, Simron, Idala, asin an Betlehem: doseng syudad gabos, kaiba an mga banwa sa palibot kan mga iyan.

Hukom 17:7

Kan panahon na idto igwa nin sarong hoben na Levita na nag-eerok sa banwa nin Betlehem nin Juda.

Ruth 4:11

Nagsabi an mga lider asin an gabos na yaon duman, “Mga saksi kami. Gibohon logod nin Kagurangnan na an saimong agom magin arog ki Rachel saka ki Lea, na nagtao nin dakul na aki ki Jacob. Yumaman ka logod sa kamaganakan ni Efrat asin magin bantog sa Betlehem.

1 Samuel 10:2

Paghale mo digdi ngunyan, masasabat mo an duwang lalaki sa may lulubngan ni Rachel sa Zelza sa daga ni Benjamin. Sasabihan ka ninda na nakua na an mga asno na saimong hinahanap; nahahadit an saimong ama bako nang para sainda kundi para saimo, asin padagos na naghahapot, ‘Ano an gigibohon ko manongod sa sakong aki?’

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”

1 Samuel 17:12

Si David iyo an aking lalaki ni Jesse na sarong Efratita na taga Betlehem sa Juda. Walo an aking lalaki ni Jesse, asin kan panahon nin paghade ni Saul, gurang na nin marahay si Jesse.