Genesis 34:7 - Marahay na Bareta Biblia

⁷ Nag-abot an mga aking lalaki ni Jacob asin kan maaraman ninda an nangyari, nabigla sinda asin naanggot nin marahay huli ta sarong insulto sa mga Israelita an ginibong panlupig ni Shekem sa aki ni Jacob.

Genesis 34:7 ပူးပေါင်းရင်းမြစ်များ

Genesis 20:9

kaya inapod ni Abimelek si Abraham asin sinabihan, “Ano ining ginibo mo samo? Ano an nagin kasalan ko saimo ta dinara mo sako asin sa bilog kong nasasakopan an kapahamakan na ini? Ginibo mo sa sako an mga bagay na dai dapat gibohon.

Genesis 34:6

Nagduman ki Jacob si Hamor na ama ni Shekem tanganing makiolay saiya.

Genesis 34:8

Olay ni Hamor, “Namomoot nin marahay an aki kong si Shekem sa aki mong si Dina; nakikimaherak akong itao mo na si Dina saiya bilang agom.

Genesis 46:7

an saiyang mga aking lalaki saka mga makoapong lalaki, an saiyang mga aking babae saka mga makoapong babae.

2 Samuel 13:21

Kan naaraman ni Hadeng David an nangyari, naanggot siya nin makuri.

Salmo 93:5

An saimong mga togon mayo nin kataposan, Kagurangnan, asin totoong banal an saimong Templo, sa panahon na daing kataposan.

Mga Talinhaga 7:7

asin nahiling ko an dakul na mayong eksperyensyang mga hoben na lalaki, alagad may namasdan akong sarong lolong na hoben.

Jeremias 29:23

Iyan an saindang aabotan huli ta naggibo sinda nin magabat na kasalan—nagdorog sinda sa bako nindang agom saka nagtaram nin mga kaputikan sa ngaran nin Kagurangnan. Tumang ini sa kabotan nin Kagurangnan; siya an saksi laban sainda. An Kagurangnan an nagtaram.”

Levitico 4:13

Kun an magkasala na dai man tinutuyo iyo an bilog na komunidad nin Israel huli sa paglapas kan arin man sa mga pagboot nin Kagurangnan,

Levitico 4:2

na sabihan an banwaan nin Israel na kun an saro sainda magkasala asin maglapas kan arin man sa ipinagboboot nin Kagurangnan na dai man tinutuyo, kaipuhan otobon niya ining mga pagboot.

Levitico 4:27

Kun sarong ordinaryong tawo an dai tinutuyong magkasala huli sa paglapas kan arin man sa mga pagboot nin Kagurangnan,

1 Corinto 10:8

Dai kita dapat maggibo nin karigsokan, siring kan ginibo kan iba sainda, kaya sa laog nin sarong aldaw, beynte tres mil sainda an nagkagaradan.

1 Corinto 6:18

Likayan nindo an paggibo nin karigsokan. An gabos na klase nin kasalan na nagigibo nin tawo dai nakakaraot sa saiyang hawak, alagad an nakikidorog sa bakong agom kasalan tumang sa sadiri niyang hawak.

Efeso 5:3

Huli ta kamo an banwaan nin Dios, bakong tama na maonabihan nindo an mga bagay manongod sa karigsokan, kadustaan o kapasloan.

Deuteronomio 22:20

“Alagad kun totoo an sumbong laban sa babae asin mayo nin ebidensya na siya birhen,

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.

Deuteronomio 23:17

“Mayo nin Israelita, lalaki man o babae, na maggibo nin karigsokan sa Templo bilang bayadan na maraot na lalaki o babae.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

1 Timoteo 5:13

Laen pa kaiyan, makakanood pa sindang magsayang kan saindang panahon sa pangharong-harong; bako sana iyan kundi makakanood sindang maglibak saka makiaram sa iba, asin magtaram kan dai ninda dapat sabihon.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Santiago 3:10

Mga pag-omaw asin pagmuda minaluwas sa saro sanang ngoso. Dai dapat ini mangyari, mga tugang ko.

Josue 7:15

An siisay man na pilion ko asin makuahan kan mga bagay na ipinagboot kong suloon iyo an tututongon, kaiba an saiyang pamilya sagkod an gabos niyang pagsadiri, huli ta dinarahan niya nin dakulang kasosopgan an Israel asin linapas niya an sakong tipan.”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Hukom 20:6

Ipinuli ko an saiyang bangkay asin sakong pinedaso dangan ipinadara sa doseng tribu nin Israel. Nakagibo nin dakulang karigsokan sa bilog na Israel an mga Benjaminita.