Genesis 34:4 - Marahay na Bareta Biblia

⁴ Sinabihan niya an saiyang ama, “Boot kong lakawon mo na magin agom ko an babaeng ini.”

Genesis 34:4 ပူးပေါင်းရင်းမြစ်များ

Genesis 21:21

Ikinua siya kan saiyang ina nin sarong babaeng taga Egipto na magin saiyang agom.

Genesis 34:3

Alagad nagayonan si Shekem ki Dina kun kaya tinuboan siya nin pagkamoot sa aking babae ni Jacob. Hiningowa ni Shekem na mahulog man an boot kaini saiya.

Genesis 34:5

Naaraman ni Jacob na linupigan ni Shekem an aki niyang si Dina alagad huli ta nagpapastor pa kan mga hayop sa kaomahan an mga aki niyang lalaki, dai siya naggibo nin ano man sagkod na dai pa sinda nagpuli.

2 Samuel 13:13

Paano ko aatubangon an kasosopgan? Asin ika magigin siring sa saro kan mga lolong nin Israel. Kaya nakikimaherak ako, makiolay ka sa hade, huli ta dai niya ako ipapangalad saimo.”

Jeremias 29:6

Mag-agom kamo saka magkaigwa nin mga aki. Paagomon nindo an saindong mga aki tanganing magkaigwa man sinda nin mga aki. Kaipuhan na magdakul kamo asin bakong magdikit.

Hukom 14:2

Nagpuli siya dangan sinabihan an saiyang ama asin ina, “Nakahiling ako nin sarong daragang Filisteo duman sa Timna na boot kong agomon. Kuahon nindo siya tanganing magin agom ko.”