Genesis 34:24 - Marahay na Bareta Biblia

²⁴ Nag-oyon an gabos na kalalakihan kan syudad sa sinabi ni Hamor asin ni Shekem, kaya nagpasirkomsisyon sinda gabos.

Genesis 34:24 ပူးပေါင်းရင်းမြစ်များ

Genesis 17:23

Kan aldaw na idto, kinuyog ni Abraham an Dios; sinerkomsisyon niya an aki niyang si Ismael asin an gabos na lalaki sa laog kan saiyang harong sagkod an mga lalaking oripon na namundag sa saiyang harong saka an mga oripon na binakal niya.

Genesis 23:10

Kan oras na iyan, kaibahan si Efron kan mga Heteo na nagtutukaw sa may trangkahan kan syudad. Sinimbag niya si Abraham sa pandangog kan gabos,

Genesis 23:18

Minidbid kan gabos na Heteo na nagtiripon duman na an daga sadiri na ni Abraham.

Genesis 34:23

Bako daw na mapapasato an gabos nindang hayop asin rogaring? Kaya mag-oyon kita sa kondisyon ninda tanganing mag-erok sinda sa kaibahan ta.”

Mateo 7:6

“Dai nindo ipagtao an bagay na banal sa mga ayam ta tibaad kagaton kamo; dai nindo ipag-apon an saindong mga perlas sa mga orig ta tibaad timak-timakan ninda an mga iyan.

1 Corinto 7:19

Mayong halaga kun an tawo pagkaniserkomsisyonado o bako; an mahalaga iyo an pagkuyog kan mga katogonan nin Dios.