Genesis 33:4 - Marahay na Bareta Biblia

⁴ Alagad nagdalagan si Esau sa pagsabat saiya, kinugos siya dangan hinadokan; pareho sindang naghibi.

Genesis 33:4 ပူးပေါင်းရင်းမြစ်များ

Genesis 29:11

Dangan hinadokan niya si Rachel asin naghibi sa kaogmahan.

Genesis 29:13

Kan madangog ni Laban an bareta, naghidali siya sa pagsabat ki Jacob. Kinugos niya ini asin hinadokan dangan ipinag-iba sa saiyang harong. Inistorya ni Jacob ki Laban an gabos na nangyari,

Genesis 32:11

Nakikimaherak ako na iligtas mo ako sa tugang kong si Esau, huli ta natatakot ako saiya; tibaad salakayon asin gadanon niya kami gabos sagkod an kababaehan saka kaakian.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 43:30

Dangan binayaan ni Jose an mga tugang niya, huli ta dai niya mapugolan an luha niya kan mahiling niya si Benjamin. Kaya naglaog siya sa saiyang kwarto asin duman naghibi.

Genesis 43:34

Dinarahan sinda nin pagkakan hale sa lamesa ni Jose asin si Benjamin dinarahan nin pagkakan na limang beses kadakul ki sa ibang tugang niya. Nagkakan sinda asin nag-inom sa kaibahan ni Jose sagkod na naburat sinda.

Genesis 45:2

Nagtangis siya nin makosog, kaya nadangog ini kan mga Egipcio saka ibinareta sa hade.

Genesis 46:29

Nagsakay si Jose sa saiyang karwahe asin sinabat an saiyang ama sa Goshen. Kan magkahilingan sinda, kinugos ni Jose an saiyang ama asin nagparahibi.

2 Samuel 14:33

Kaya nagduman si Joab ki David dangan ipinahayag an sinabi ni Absalom. Ipinaapod ni David si Absalom; nagduman siya asin nagduko kan saiyang payo sa atubangan kan hade. Inako si Absalom kan hade dangan hinadokan.

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

Salmo 34:4

Namibi ako sa Kagurangnan, asin sinimbag niya ako; ilinigtas niya ako sa gabos kong katakotan.

Mga Talinhaga 16:7

Kun an pamumuhay nin sarong tawo nawiwilihan nin Kagurangnan, pinapangyari niya na magin mga katood kan tawong iyan maski an saiyang mga kaiwal.

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Lukas 15:20

Kaya naglakaw siya papuli sa saiyang ama. “Harayo pa, natanawan na siya kan ama niya. Naherak nin marahay an saiyang ama, kaya nagdalagan ining nagsabat saiya, kinugos siya saka hinadokan.

Mga Gibo 20:37

Nagtangis sinda gabos; kinugos ninda si Pablo asin hinadokan.

1 Samuel 20:41

Pakahale kan hoben, nagluwas si David hale sa likodan kan tambak nin mga gapo dangan makatolong beses siyang nagdapa sa daga. Parehong naghihibi na naghadokan si David saka si Jonatan; orog an kamondoan ni David ki sa ki Jonatan.