Genesis 33:13 - Marahay na Bareta Biblia

¹³ Alagad nagsimbag si Jacob, “Aram mo man sana na maluluya pa an mga aki, asin kaipuhan na mangnohon ko an mga ogbon kan karnero saka baka patin an saindang ina. Kun manganaan an mga hayop sa saindang paglakaw sa sarong aldaw, magagadan sinda gabos.

Genesis 33:13 ပူးပေါင်းရင်းမြစ်များ

Genesis 33:12

Nagsabi si Esau, “Magpadagos na kita sa satong paglakaw; ako an mangengenot saindo.”

Genesis 33:14

Mag-enot ka na sako, huli ta aantabayan ko an mga hayop asin kaakian sosog sa rikas kan saindang paglakaw sagkod na maabotan taka sa Edom.”

1 Mga Cronica 22:5

Nagsaboot si David, “An Templo na ipapatugdok para sa Kagurangnan kaipuhan magayon, bantog asin igagalang sa bilog na kinaban. Alagad hoben pa si Solomon na sakuyang aking lalaki, saka mayo pa nin naaaraman; kaya aandamon ko na an mga kaipuhan para sa Templo.” Kaya bago nagadan si David, inandam na niya an dakul na mga kagamitan para sa Templo.

Salmo 78:71

hale sa pag-ataman kan saiyang mga hayop, tanganing magin pastor ni Jacob na saiyang banwaan, nin Israel na saiyang pamana.

Mga Talinhaga 12:10

Inaataman kan marahay na tawo an saiyang mga hayop, alagad dai naheherak sa sainda an maraot.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

1 Samuel 6:10

Ginibo ninda an sinabi sainda: nagkua sinda nin duwang baka dangan iginakod an mga ini sa kariton, asin ikinulong ninda sa toril an mga ogbon.