Genesis 33:11 - Marahay na Bareta Biblia

¹¹ Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

Genesis 33:11 ပူးပေါင်းရင်းမြစ်များ

Genesis 30:43

Sa paaging ini, nagyaman nin marahay si Jacob. Nagkaigwa siya nin dakul na hayop, oripon, kamelyo asin asno.

Genesis 32:21

Pinaenot niya an mga regalo alagad duman na siya nagpaaga sa kampo.

Genesis 33:10

Nagsimbag si Jacob, “Bakong siring kaiyan; kun talagang marahay na an boot mo sako, akoon mo an sakong regalo. Huli ta, kan mahiling ko an lalawogon mo, garo man sanang nahiling ko an lalawogon nin Dios, orog na ngunyan na inako mo ako sa marahay na boot.

Genesis 33:12

Nagsabi si Esau, “Magpadagos na kita sa satong paglakaw; ako an mangengenot saindo.”

Genesis 33:9

Alagad nagsabi si Esau, “Igwa na ako kan magkakanigo sako, tugang ko; saimo na sana iyan.”

2 Mga Hade 2:17

Alagad nagpirit sinda sagkod na magtugot si Eliseo kaya pinalakaw niya sinda. Hinanap si Elias kan singkwentang lalaki sa laog nin tolong aldaw, alagad dai ninda siya nakua.

2 Mga Hade 5:23

“Nakikimaherak ako na akoon mo ining seis mil na pedaso nin plata,” an simbag ni Naaman. Pinirit ni Naaman si Gehazi na kuahon idto, dangan binugkos niya sa duwang supot an mga plata. Itinao niya ini asin an duwang magayon na gubing sa duwa niyang sorogoon, dangan pinalakaw sindang enot ki Gehazi.

Lukas 14:23

Kaya sinabihan siya giraray kan saiyang kagurangnan, ‘Dumuman ka sa mga tinampo saka sa mga dalan sa kabubuldan dangan piriton mong magdigdi an mga tawo tanganing mapano an harong ko.

1 Corinto 3:21

Kaya dai dapat ipaghambog nin siisay man an magigibo nin mga tawo. An totoo, an gabos na bagay sadiri nindo:

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.

Josue 15:19

Nagsimbag si Acsa, “Boot kong magkaigwa nin mga burabod nin tubig. An dagang itinao mo sako yaon sa habagat na parte kan Canaan.” Kaya itinao saiya ni Caleb an mga burabod sa itaas asin sa ibaba.

Hukom 1:15

Nagsimbag si Acsa, “Boot kong magkaigwa nin mga burabod nin tubig. An dagang itinao mo sako yaon sa habagat na parte kan Canaan.” Kaya itinao saiya ni Caleb an mga burabod sa itaas asin sa ibaba.

1 Samuel 25:27

Ngunyan, akoa ining regalo na dinara ko saimo; tawan ini sa saimong mga tawohan.

1 Samuel 30:26

Kan magbalik si David sa Ziklag, ipinadara niya an ibang sinamsam sa saiyang mga katood, an mga kamagurangan nin Juda, kaiba an mensaheng ini, “Uya an sarong regalo para saindo hale sa sinamsam na samong kinua sa mga kaiwal nin Kagurangnan.”