Genesis 33:10 - Marahay na Bareta Biblia

¹⁰ Nagsimbag si Jacob, “Bakong siring kaiyan; kun talagang marahay na an boot mo sako, akoon mo an sakong regalo. Huli ta, kan mahiling ko an lalawogon mo, garo man sanang nahiling ko an lalawogon nin Dios, orog na ngunyan na inako mo ako sa marahay na boot.

Genesis 33:10 ပူးပေါင်းရင်းမြစ်များ

Genesis 19:19

nawilihan mo ako asin naherakan, kaya ilinigtas mo an sakong buhay; alagad harayong marahay an kabubuldan, tibaad dai pa ako nakakaabot duman abotan na ako kan kapahamakan asin magadan ako.

Genesis 32:30

Nagsabi si Jacob, “Nahiling ko an lalawogon nin Dios alagad buhay pa ako”; kaya an lugar nginaranan niyang Peniel.

Genesis 33:11

Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

Genesis 33:9

Alagad nagsabi si Esau, “Igwa na ako kan magkakanigo sako, tugang ko; saimo na sana iyan.”

Genesis 43:3

Nagsimbag si Juda, “Pinatanidan nanggad kami kan lalaki na dai niya kami aatubangon sagkod na dai mi kaiba an samong tugang.

Genesis 47:29

Kan madali na siyang magadan, inapod niya an aki niyang si Jose asin sinabihan, “Ibugtak mo an saimong kamot sa pagultanan kan sakong mga hita asin magsumpa ka na dai mo ako ilulubong sa Egipto.

Genesis 50:4

Kan matapos na an panahon nin pagmondo, sinabihan ni Jose an mga opisyal kan hade, “Pakidaraha man nindo an mensaheng ini sa hade.

2 Samuel 14:24

Alagad nagboot an hade na dai mag-erok si Absalom sa palasyo. Nagsabi an hade, “Habo kong mahiling siya.” Kaya nag-erok si Absalom sa sadiri niyang harong asin dai nag-atubang sa hade.

2 Samuel 14:28

Nag-erok si Absalom sa Jerusalem sa laog nin duwang taon na dai man lamang nag-atubang sa hade.

2 Samuel 14:32

Nagsimbag si Absalom, “Huli ta habo kang magdigdi kan ipaapod taka. Boot kong magduman ka sa hade dangan ihapot mo ako saiya: ‘Tadaw ta binayaan ko an Gesur asin nagdigdi? Mas marahay pang duman sana ako nag-erok.’” Nagpadagos si Absalom, “Boot kong gumibo ka nin paagi tanganing makaatubang ako sa hade, asin kun ako may sala, ipagadan mo ako saiya.”

2 Samuel 3:13

“Marahay!” an simbag ni David. “Makikipagtipan ako saimo sa sarong kondisyon: kaipuhan darahon mo sako an aking babae ni Saul na si Mical pag-atubang mo sako.”

An Libro ni Job 33:26

kun siya mamibi, sisimbagon siya nin Dios; may kaogmahan na masamba siya sa Dios; tatanoson giraray nin Dios an gabos na bagay para saiya.

Salmo 41:11

Huli kaini, aram kong nawiwili ka sako, kun an mga kaiwal ko dai manggana sako.

Jeremias 31:2

An mga tawong nakaligtas sa kagadanan naherakan ko sa desyerto. Kan an Israel maghanap nin kapahingaloan,

Mateo 18:10

“Dai nanggad nindo pagbasang-basangon an arin man sa mga saradit na ini. Sinasabihan ko kamo, an saindang mga anghel sa langit danay na nasa atubang kan sakong Ama sa langit.

Kapahayagan 22:4

Mahihiling ninda an saiyang lalawogon dangan isusurat sa saindang mga angog an saiyang ngaran.

Ruth 2:10

Duminuko si Ruth sa pagtao nin galang dangan hinapot si Boaz, “Tano ta may pagmalasakit ka sako? Tano ta pinapahilingan mo nin marahay na boot an sarong dayuhan?”

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”