Genesis 32:5 - Marahay na Bareta Biblia

⁵ Dakul na an sadiri kong baka, asno, karnero, kanding asin oripon. Nagpasugo ako saimo sa paglaom na magigin marahay an pag-ako mo sako.”

Genesis 32:5 ပူးပေါင်းရင်းမြစ်များ

Genesis 30:43

Sa paaging ini, nagyaman nin marahay si Jacob. Nagkaigwa siya nin dakul na hayop, oripon, kamelyo asin asno.

Genesis 31:16

An gabos na pagrogaring na ini na kinua nin Dios sa samong ama sadiri nyamo asin nin samong mga aki. Kaya giboha an ano man na itinaram saimo nin Dios.”

Genesis 31:3

Dangan tinaraman nin Kagurangnan si Jacob, “Bumalik ka sa daga nin saimong mga magurang asin nin saimong mga kadugo; iibahan taka.”

Genesis 33:11

Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

Genesis 33:15

“Kun siring mawalat ako nin nagkapira sa mga tawohan ko,” an sabi ni Esau. Alagad nagsimbag si Jacob, “Dai na kaipuhan huli ta gusto ko sanang makua an marahay mong boot.”

Genesis 33:8

Naghapot si Esau, “Ano an kahulogan kaidtong nasabatan kong sarong grupo?” “Mga regalo ko idto saimo tanganing makua ko an saimong marahay na boot,” an simbag ni Jacob.

Genesis 47:25

Nagsimbag sinda, “Ilinigtas mo an samong buhay; nagin marahayon ka samo, kagurangnan, kaya magigin oripon kami kan hade.”

2 Samuel 16:4

Sinabihan kan hade si Ziba, “Poon ngunyan, saimo na an gabos na pagsadiri ni Mefiboset.” Nagsimbag si Ziba, “Sorogoon mo ako; padagos mo logod akong mawilihan, Mahal na hade.”

An Libro ni Job 6:22

Hinagadan ko daw kamo nin regalo o pinagbotan na suholan an sarong tawo para sako?

Lukas 12:45

Alagad kun an sorogoon na iyan magsaboot na haloy pa bago magbalik an saiyang kagurangnan asin poonan niyang kulogan an kapwa niya sorogoon na lalaki asin babae, dangan magkakan siya saka magburat—

Ruth 2:2

Sarong aldaw, nagsabi si Ruth ki Naomi, “Tugote akong magduman sa oma tanganing manirot kan mga nagkawaralat na trigo kan mga paraani. May paglaom ako na manunumpongan ko an tawong matugot sako na magtrabaho sa hurihan niya.” Nagsimbag si Naomi, “Lakaw na, aki ko.”

1 Samuel 1:18

“Danay mo logod akong kawilihan,” an simbag ni Hanna. Dangan naghale na siya asin nagkakan; bako na siyang mamondo.