Genesis 32:32 - Marahay na Bareta Biblia

³² Kaya sagkod ngunyan, dai kinakakan kan mga Israelita an laman na yaon sa piad kan hayop huli ta iyo iyan an parte na tinamaan kan suntokon si Jacob.

Genesis 32:32 ပူးပေါင်းရင်းမြစ်များ

Genesis 32:25

Kan mahiling kan lalaki na dai siya nanggagana, sinuntok niya sa piad si Jacob na ikinataplis kan tolang sa piad kaini.

Genesis 32:31

Nagsirang na an aldaw kan maghale si Jacob sa Peniel; pilay siyang naglakaw huli sa saiyang piad.

Genesis 33:1

Nahiling ni Jacob na nagdadangadang si Esau kaiba an kwatro syentos na kalalakihan, kaya an kaakian binanga niya ki Lea, ki Rachel saka sa duwa niyang kasaroan.

1 Mga Hade 12:25

Pinakosog ni Jeroboam an Shekem sa mabulod na daga nin Efraim asin nag-erok siya duman. Dangan naghale siya asin pinakosog an banwa nin Penuel.

Hukom 8:8

Nagpadagos sa paglakaw si Gideon sagkod na makaabot siya sa Penuel, asin naghagad man siya digdi nin pagkakan para sa saiyang mga tawohan; alagad an nagin simbag kan kalalakihan duman, arog man kan simbag sainda kan mga taga Sukkot.

1 Samuel 5:5

Ini an dahelan kun tadaw ta sagkod ngunyan dai minatungtong sa may pintoan kan templo ni Dagon an saiyang mga padi asin an gabos na nagsasamba saiya sa Asdod.)