Genesis 32:31 - Marahay na Bareta Biblia

³¹ Nagsirang na an aldaw kan maghale si Jacob sa Peniel; pilay siyang naglakaw huli sa saiyang piad.

Genesis 32:31 ပူးပေါင်းရင်းမြစ်များ

Genesis 16:13

Nagsaboot si Hagar, “Totoo daw na nahiling ko an Dios asin nabuhay pa ako pakatapos?” Kaya an Kagurangnan na nagtaram saiya inapod niyang, “Sarong Dios na Naghihiling.”

Genesis 19:15

Kan nagbabanaag na an aldaw, pinahidali kan mga anghel si Lot. “Dalian mo!” an sabi ninda. “Ipag-iba mo an saimong agom asin an duwa mong aking daraga dangan humale na kamo tanganing dai kamo magkagaradan kun tunawon na an syudad.”

Genesis 19:23

Nagsisirang na an aldaw kan makaabot si Lot sa Zoar.

Genesis 32:25

Kan mahiling kan lalaki na dai siya nanggagana, sinuntok niya sa piad si Jacob na ikinataplis kan tolang sa piad kaini.

Genesis 32:32

Kaya sagkod ngunyan, dai kinakakan kan mga Israelita an laman na yaon sa piad kan hayop huli ta iyo iyan an parte na tinamaan kan suntokon si Jacob.

1 Mga Hade 12:25

Pinakosog ni Jeroboam an Shekem sa mabulod na daga nin Efraim asin nag-erok siya duman. Dangan naghale siya asin pinakosog an banwa nin Penuel.

1 Mga Hade 18:26

Kinua ninda an saro kan mga torong baka na dinara sainda, inandam idto, dangan namibi ki Baal magpoon aga sagkod odto. “Baal, simbaga kami,” an kurahaw ninda, mantang nagsasayaw sa palibot kan altar na ginibo ninda. Alagad mayo nin simbag na nag-abot.

Salmo 38:17

Madali na akong matumba, asin an kulog danay kong namamatean.

Exodo 24:10

Duman nahiling ninda an Dios nin Israel. An natutungtongan niya garo baldosa na gibo sa mga gapong sapiro na arog sa langit kaasul.

Exodo 24:11

Dai inano nin Dios an mga kamagurangan nin Israel. Nahiling ninda an Dios dangan nagkarakan asin nag-irinom sinda.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

2 Corinto 12:7

Alagad tanganing dai magdakula an sakong payo huli sa mga nahiling kong mga makangangalas na bagay, tinawan ako nin tiunay sa hawak bilang sugo ni Satanas, tanganing patioson ako asin dai ako magin mapaabaw-abaw.

2 Corinto 12:9

Alagad an simbag niya iyo ini: “An sakong biyaya tama na para saimo; huli ta an sakong kapangyarihan orog na makosog kun ika maluya.” Kaya ikinakaogma kong maluya ako, tanganing mamatean ko an kapangyarihan sako ni Cristo.

Deuteronomio 5:24

dangan nagsabi, ‘Ipinahiling sato nin Kagurangnan na satuyang Dios an saiyang kadakulaan asin kamurawayan kan nadangog ta siyang magtaram hale sa kalayo! Satuyang nahiling ngunyan na aldaw na an Dios nagtaram sa tawo asin an tawo padagos na nabuhay.

Deuteronomio 5:26

Huli ta siisay an tawong padagos nang nabuhay arog sato, pakatapos na madangog niyang magtaram hale sa kalayo an buhay na Dios?

Hukom 6:22

Dangan nagtubod si Gideon na an saiyang nahiling iyo an anghel nin Kagurangnan, kaya sa katakotan, nagsabi siya, “O Kagurangnan Dios! Hampangan na nahiling ko an saimong anghel!”

Hukom 6:23

Alagad nagtaram saiya an Kagurangnan, “An katoninongan mapasaimo. Dai ka matakot. Dai ka magagadan.”

Hukom 8:8

Nagpadagos sa paglakaw si Gideon sagkod na makaabot siya sa Penuel, asin naghagad man siya digdi nin pagkakan para sa saiyang mga tawohan; alagad an nagin simbag kan kalalakihan duman, arog man kan simbag sainda kan mga taga Sukkot.