Genesis 32:29 - Marahay na Bareta Biblia

²⁹ Nagsabi si Jacob, “Sabihan man sako an ngaran mo.” Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.

Genesis 32:29 ပူးပေါင်းရင်းမြစ်များ

Genesis 17:5

Poon ngunyan, bako nang Abram an saimong ngaran kundi Abraham huli ta gigibohon takang ama nin dakul na nasyon.

Genesis 35:10

asin tinaraman, “Jacob an ngaran mo, alagad poon ngunyan aapodon ka nang Israel.” Kaya nagin Israel an saiyang ngaran.

Genesis 35:9

Nagpahiling giraray an Dios ki Jacob kan magbalik ini hale sa Mesopotamia. Benendisyonan siya nin Dios

1 Mga Hade 18:31

Nagkua siya nin doseng gapo, sosog sa bilang kan mga tribu kan doseng aking lalaki ni Jacob na tinawan nin Kagurangnan kan ngaran na Israel.

2 Mga Hade 17:34

Sagkod ngunyan ipinapadagos ninda an daan na mga gawe ninda. Dai ninda sinamba an Kagurangnan, ni kinukuyog an mga katogonan saka pagboot na itinao niya sa mga kapagarakian ni Jacob, na nginaranan niyang Israel.

1 Mga Cronica 1:34

Si Isaac, na aki ni Abraham, nagkaigwa nin duwang aking lalaki na iyo si Esau asin si Jacob.

An Libro ni Job 11:7

“Maaaraman mo daw an mga kasagkoran saka mga kairaroman kan kadakulaan asin kapangyarihan nin Dios?

Mga Talinhaga 30:4

Siisay an nagsakat sa langit dangan naghilig? Siisay an nakapugol kan doros sa saiyang mga kamot? Siisay an nakapatos kan katubigan sa sarong pedaso nin tela? Siisay an nagbugtak kan mga pagdolonan kan kinaban? Siisay siya, kun aram mo? Siisay an saiyang aking lalaki?

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Mga Bilang 20:14

Hale sa Kades, nagpadara si Moises nin mga sugo sa hade kan Edom. Olay ninda, “An mensaheng ini hale sa saimong mga kadugo, an mga tribu nin Israel. Nakakaisi ka kan mga kasakitan na uminabot samo,

Lukas 1:19

Nagsimbag an anghel, “Ako si Gabriel na naglilingkod sa atubang nin Dios. Sinugo ako nganing taraman ka asin darahon saimo an marahay na baretang ini.

Deuteronomio 29:29

“May mga bagay na pinagmarahay nin Kagurangnan na satong Dios na magin hilom, alagad ipinahayag niya an saiyang Togon tanganing kuyogon nyato asin kan satong mga kapagarakian sagkod lamang.