Genesis 31:54 - Marahay na Bareta Biblia

⁵⁴ Nagbuno siya nin hayop na saiyang idinolot duman sa bukid dangan inapod niya an saiyang mga tawohan tanganing magkakan. Duman na sinda naagahan sa bukid.

Genesis 31:54 ပူးပေါင်းရင်းမြစ်များ

Genesis 21:8

Nagtalubo si Isaac, asin sa aldaw na binutas siya, nagtao si Abraham nin dakulang bangkete.

Genesis 26:30

Kaya nag-andam nin bangkete si Isaac para sa sainda asin nagkakan saka nag-inoman sinda.

Genesis 37:25

Mantang nagkakakan sinda, nahiling ninda an grupo nin Ismaelita na hale sa Gilead asin mapaduman sa Egipto. An saindang mga kamelyo kargado nin mga pahamot, balsamo, saka mira.

Exodo 18:12

Dangan nagdolot si Jetro nin tinutong na atang asin nin iba pang mga dolot sa Dios. Nag-abot si Aaron kaiba an gabos na lider nin Israel tanganing sa kaibahan kan panugangan ni Moises magkarakan sinda sa atubang nin Dios.

Ezekiel 44:3

Alagad an naghahadeng prinsipe pwedeng magduman tanganing magkakan nin tinapay sa presensya ko. Sa paglaog asin pagluwas niya, kaipuhan na sa kwartong agihan palaog siya mag-agi.”

1 Samuel 9:12

Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”