Genesis 31:42 - Marahay na Bareta Biblia

⁴² Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Genesis 31:42 ပူးပေါင်းရင်းမြစ်များ

Genesis 11:5

Naghilig an Kagurangnan tanganing hilingon an syudad asin an tore na ginibo kan mga tawo.

Genesis 16:11

Bados ka, asin mangangaki nin lalaki; aapodon mo siyang Ismael, huli ta dinangog nin Kagurangnan an saimong agrangay.

Genesis 16:13

Nagsaboot si Hagar, “Totoo daw na nahiling ko an Dios asin nabuhay pa ako pakatapos?” Kaya an Kagurangnan na nagtaram saiya inapod niyang, “Sarong Dios na Naghihiling.”

Genesis 27:33

Huli kaini nagtakig an bilog na hawak ni Isaac asin naghapot, “Siisay palan idtong nagbuno nin hayop asin nagdara kan linuto sako? Nakakakan pa sana ako bago ka mag-abot. Itinao ko na saiya an bendisyon asin mapapasaiya na idto sagkod pa man.”

Genesis 29:32

Kaya nagbados si Lea asin nag-aki nin sarong lalaki na nginaranan niyang Ruben, huli ta nagsabi siya, “Nahiling nin Kagurangnan an sakong kasakitan asin ngunyan mamomotan na ako kan sakong agom.”

Genesis 31:12

Nagsabi siya, ‘Hilinga, an mga lalaking nagmamaro anas may patak-patak asin may raya-raya. Pinapangyari ko ini huli ta nahiling ko an gabos na ginigibo saimo ni Laban.

Genesis 31:24

Alagad sa sarong pangatorogan kan bangging idto, nagpahiling an Dios saiya asin nagtaram, “Laban, hare nanggad pagtakota si Jacob sa ano man na paagi.”

Genesis 31:29

Pwede takang kulogan, alagad pinatanidan ako kan Dios nin saimong ama kasubanggi na dai taka nanggad pagtakoton sa ano man na paagi.

Genesis 31:5

asin sinabihan niya sinda, “Namasdan ko na iba na an pagtratar sako kan saindong ama; alagad an Dios kan sakong ama iniibahan ako.

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

Genesis 32:9

Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako.

Genesis 35:3

huli ta maduman kita gabos sa Betel tanganing ikatugdok ko nin altar an Dios na nagtabang sako sa panahon nin kasakitan asin nag-iba sako saen man ako magduman.”

Genesis 46:1

Kaya dara an gabos niyang pagsadiri, nagduman sa Beer-sheba si Jacob asin nagdolot nin mga atang sa Dios nin saiyang ama na si Isaac.

1 Mga Cronica 12:17

Nagluwas si David asin sinabat sinda dangan sinabihan, “Kun napadigdi kamo bilang mga katood sa pagtabang sako, inaako ko kamo. Alagad kun iniisip nindong ipasaluib ako sa akong mga kaiwal, maski mayo man ako nin sala, maiisihan iyan kan Dios nin satong mga ginikanan, asin papadusahan niya kamo.”

Salmo 31:7

Mag-oogma ako huli kan danay mong pagkamoot, huli ta nahiling mo an sakong kasakitan, nasabotan mo an sakong mga kahorasaan.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Isaias 8:13

Giromdoma na ako, an Kagurangnan nin mga hukbo, banal; ako an saimong dapat na matakotan.

Daniel 2:23

Inoomaw taka asin ginagalangan, Dios nin sakuyang mga ginikanan. Ika an nagtao sako nin kosog asin kadonongan; sinimbag mo an sakong pamibi asin ipinahiling samo an isasabi sa hade.”

Deuteronomio 15:13

Sa ikapitong taon, talingkasan nindo siya; dai nindo siya pagpahaleon na mayo nin darang ano man.

Judas 1:9

Maski si Miguel na Arkanghel dai nangahas na hatolan an Diablo kan nakikiiwal siya digdi dapit sa bangkay ni Moises, kundi nagsabi sana siya, “Sagweon ka logod kan Kagurangnan!”