Genesis 31:40 - Marahay na Bareta Biblia

⁴⁰ Tinios ko an init kan aldaw asin an lipot kan banggi; dai na ako nagkakatorog.

Genesis 31:40 ပူးပေါင်းရင်းမြစ်များ

Genesis 31:39

Kun igwang saro na ginadan kan mga maringis na hayop, dai ko na dinadara saimo tanganing ipahiling na mayo akong sala; binabayadan ko na sana huli ta pinapabayadan mo an arin man na hinabon sa aldaw o sa banggi.

Genesis 31:41

Iyan an nagin buhay ko sa laog nin beynteng taon na yaon ako saimo. Naglingkod ako saimo sa laog nin katorseng taon para sa duwang aki mo, asin anom na taon para sa saimong mga hayop. Alagad sampolong beses mo pang liniwat an sweldo ko.

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Mga Talinhaga 31:18

Naaaraman niya an halaga kan lambang ginigibo niya, asin maski matanga na an banggi nagtatrabaho pa siya.

Oseas 12:12

Nagdulag an satong ginikanan na si Jacob pasiring sa Mesopotamia asin duman nag-agom. Nagtrabaho siya sa ibang tawo saka nag-ataman kan mga karnero kaini tanganing maagom an babaeng idto.

Hageo 1:11

Nagpadara ako nin labi-labing init sa daga—sa kabubuldan, sa mga oma nin trigo, sa mga ubasan saka olibahan—sa lambang tinanom, sa mga tawo saka mga hayop, asin sa gabos na pinagpapagalan nindo.”

Lukas 2:8

Harani sa lugar na idto, igwa nin mga pastor sa kaomahan na nagpapaaga sa pagbantay kan saindang mga karnero.

Deuteronomio 8:15

Pinangenotan niya kamo sa saindong pagbaklay sa mahiwas asin makatakot na kalangtadan na may mararang mga halas asin uyang. Duman sa alang asin daing tubig na daga, pinabulos niya para saindo an tubig hale sa matagas na gapo.

Hebreyo 13:7

Giromdoma an mga lider nindo kaidto na naghulit saindo kan tataramon nin Dios. Giromdoma nindo an saindang nagin buhay saka pagkagadan; arogon nindo an saindang pagtubod.