Genesis 31:38 - Marahay na Bareta Biblia

³⁸ Sa laog nin beynteng taon yaon ako sa kaibahan mo; mayong naghulos minsan saro kan saimong babaeng karnero o kanding; asin minsan saro kan saimong hayop dai ko kinakan.

Genesis 31:38 ပူးပေါင်းရင်းမြစ်များ

Genesis 30:27

Alagad nagsimbag si Laban, “Ini an masasabi ko: sosog sa naaaraman ko sa panghuhula, benendisyonan ako nin Kagurangnan huli saimo.

Genesis 30:29

Nagsimbag si Jacob, “Aram mo kun paano ako nagtrabaho para saimo asin kun paano nagdakul an saimong mga hayop sa pangataman ko.

Genesis 30:30

Dikit an sadiri mo bago ako mag-abot; ngunyan dakul nang marahay asin benendisyonan ka nin Kagurangnan huli sako. Bako daw panahon na tanganing mangnohon ko man an sakong sadiring pamilya?”

Genesis 31:10

“Kan tig-maroan nin mga hayop, nagkaigwa ako nin pangatorogan asin nahiling ko na an mga lalaking kanding na nagmamaro anas may patak-patak asin may raya-raya.

Genesis 31:37

Ngunyan na nahalungkat mo na an gabos kong pagsadiri, ano an nakua mo na pagsadiri mo? Iluwas mo digdi sa atubang kan satong mga tawohan tanganing sinda an magsabi kun siisay sa sato an tama.

Genesis 31:39

Kun igwang saro na ginadan kan mga maringis na hayop, dai ko na dinadara saimo tanganing ipahiling na mayo akong sala; binabayadan ko na sana huli ta pinapabayadan mo an arin man na hinabon sa aldaw o sa banggi.

Exodo 23:26

Sa saindong banwaan mayo nin babae na makukuahan o magigin baog. Tatawan ko kamo nin halawig na buhay.

Deuteronomio 28:4

“Bebendisyonan nin Kagurangnan an saindong mga aki, mga ani asin mga hayop; papadakulon niya an saindong mga baka saka mga karnero.