Genesis 31:34 - Marahay na Bareta Biblia

³⁴ Kinua na palan ni Rachel an mga dios-dios ni Laban, itinago sa kamadero kan kamelyo asin tinukawan an mga ini. Naghanap si Laban kan saiyang mga dios-dios sa bilog na tolda, alagad dai niya nakua duman.

Genesis 31:34 ပူးပေါင်းရင်းမြစ်များ

Genesis 31:17

Kaya nag-andam si Jacob tanganing magbalik sa Canaan, sa daga kan saiyang ama na si Isaac. Ilinunad niya sa mga kamelyo an gabos niyang aki asin agom dangan inalaw niya an gabos na hayop na napasaiya duman sa Mesopotamia.

Genesis 31:19

Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:33

Linaog ni Laban an tolda ni Jacob asin naghanap duman; isinunod niya an tolda ni Lea asin an tolda kan duwang babaeng oripon, alagad dai niya nakua duman an saiyang mga dios-dios. Dangan linaog niya an tolda ni Rachel.

Genesis 31:35

Olay ni Rachel sa saiyang ama, “Kagurangnan, dai ka logod maanggot sako. Dai ako pwedeng magtindog sa saimong atubang huli ta nareregla ako.” Nagpadagos sa paghanap si Laban alagad dai niya nakua an saiyang mga dios-dios.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Levitico 15:9

An arin man na kamadero na tinukawan kan lalaking may helang na iyan, magigin maati.

Hukom 18:24

Nagsimbag si Micas, “Tano ta naghahapot kamo kun ano an nangyari sako? Kinua nindo an sakong padi asin mga dios-dios na ginibo ko dangan nagharale kamo! Ano pa an natada sako?”

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”