Genesis 31:3 - Marahay na Bareta Biblia

³ Dangan tinaraman nin Kagurangnan si Jacob, “Bumalik ka sa daga nin saimong mga magurang asin nin saimong mga kadugo; iibahan taka.”

Genesis 31:3 ပူးပေါင်းရင်းမြစ်များ

Genesis 13:15

huli ta an gabos na daga na nahihiling mo itatao ko sa saimo asin sa mga kapagarakian mo sagkod lamang.

Genesis 21:22

Kaidtong panahon, si Abimelek asin an pamayo kan saiyang hukbo na si Ficol nagsabi ki Abraham, “Kaiba mo an Dios sa gabos mong gibo.

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 28:15

Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

Genesis 28:4

Itao logod saimo asin sa saimong mga kapagarakian an bendisyon ni Abraham tanganing masadirihan mo ining daga na pinag-eerokan mo, na itinao nin Dios ki Abraham.”

Genesis 30:25

Pagkamundag ni Jose, sinabihan ni Jacob si Laban, “Tugote akong maghale tanganing makapuli ako sa sadiri kong harong asin daga.

Genesis 31:13

Ako an Dios na nagpahiling saimo sa Betel, saen nagpatindog ka nin hariging giromdoman na inulaan mo nin lana, asin saen nanumpa ka sako. Mag-andam ka asin magbalik ka sa dagang saimong namundagan.’”

Genesis 31:2

Nahiling man ni Jacob na malaen na an pagtratar saiya ni Laban.

Genesis 31:4

Kaya pinasugoan ni Jacob si Rachel asin si Lea na sabaton siya duman sa oma na namumugtakan kan saiyang mga hayop,

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

Genesis 32:5

Dakul na an sadiri kong baka, asno, karnero, kanding asin oripon. Nagpasugo ako saimo sa paglaom na magigin marahay an pag-ako mo sako.”

Genesis 32:9

Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako.

Genesis 35:1

Nagtaram an Dios ki Jacob, “Magduman ka tolos sa Betel asin duman ka mag-erok. Gumibo ka nin sarong altar duman para sako, an Dios na nagpahiling saimo kan ika magdulag sa tugang mong si Esau.”

Genesis 35:3

huli ta maduman kita gabos sa Betel tanganing ikatugdok ko nin altar an Dios na nagtabang sako sa panahon nin kasakitan asin nag-iba sako saen man ako magduman.”

Genesis 50:24

Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.”

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 90:15

Tawe kami nin kaogmahan na katimbang kan kamondoan na itinao mo samo, kan mga taon nin samuyang kasakitan.

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”