Genesis 31:29 - Marahay na Bareta Biblia

²⁹ Pwede takang kulogan, alagad pinatanidan ako kan Dios nin saimong ama kasubanggi na dai taka nanggad pagtakoton sa ano man na paagi.

Genesis 31:29 ပူးပေါင်းရင်းမြစ်များ

Genesis 24:50

Nagsimbag saiya si Laban asin si Betuel, “Mayo kaming masasabi huli ta an bagay na ini hale sa Kagurangnan.

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 31:24

Alagad sa sarong pangatorogan kan bangging idto, nagpahiling an Dios saiya asin nagtaram, “Laban, hare nanggad pagtakota si Jacob sa ano man na paagi.”

Genesis 31:42

Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Genesis 31:5

asin sinabihan niya sinda, “Namasdan ko na iba na an pagtratar sako kan saindong ama; alagad an Dios kan sakong ama iniibahan ako.

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

Genesis 31:7

dinaya niya ako asin sampolong beses niyang liniwat an sakong sweldo. Alagad dai itinugot nin Dios na kulogon niya ako.

2 Samuel 13:22

Naongis nin marahay si Absalom ki Amnon huli kan paglupigi niya ki Tamar, kaya dai na niya kinakaolay si Amnon.

2 Mga Hade 19:10

tanganing sabihan, “An sinasarigan mong Dios nagtaram saimo na dai ka mahuhulog sa kamot ko. Dai ka magpadaya saiya.

Salmo 52:1

O dakulang tawo, tadaw ta ipinaghahambog mo an saimong karatan, na ginibo mo tumang sa tawong banal?

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 3:28

Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

Mga Gibo 9:5

Naghapot si Saulo, “Siisay ka, Kagurangnan?” Nagsimbag an tingog, “Ako si Jesus na pinapasakitan mo.