Genesis 31:26 - Marahay na Bareta Biblia

²⁶ Sinabihan ni Laban si Jacob, “Tano ta dinaya mo ako, asin dinara mo an sakong mga aki na siring sa mga bihag sa gera?

Genesis 31:26 ပူးပေါင်းရင်းမြစ်များ

Genesis 12:18

Kaya ipinaapod kan hade si Abram asin hinapot, “Ano ining ginibo mo sako? Tano ta dai ka nagtaram na agom mo an babaeng ini?

Genesis 2:24

Kaya babayaan nin lalaki an saiyang ama saka ina dangan masaro sa saiyang agom na babae, asin sindang duwa magigin saro.

Genesis 26:10

Naghapot si Abimelek, “Ano ining ginibo mo samo? Pasil kutanang madorogan an saimong agom kan saro sa mga tawohan ko, asin kun nangyari ini, ika an babasolon.”

Genesis 29:25

Pagkaaga, nahiling ni Jacob na an kadorog niya iyo si Lea, kaya sinabihan niya si Laban, “Ano ining ginibo mo sako? Bakong nagmanugang ako saimo para ki Rachel? Tano ta dinaya mo ako?”

Genesis 3:13

Hinapot nin Kagurangnan Dios an babae, “Tano ta ginibo mo ini?” Nagsimbag an babae, “Dinaya ako kan halas kaya nagkakan ako.”

Genesis 31:16

An gabos na pagrogaring na ini na kinua nin Dios sa samong ama sadiri nyamo asin nin samong mga aki. Kaya giboha an ano man na itinaram saimo nin Dios.”

Genesis 31:25

Kan maabotan ni Laban si Jacob, nakapatindog na ini kan saiyang tolda sa sarong bukid, kaya duman si Laban nagkampo sa mabulod na daga nin Gilead.

Genesis 31:27

Tano ta dinaya mo ako asin naghale ka na daing paisi? Kun sinabihan mo ako, kutana dinespedir ko kamo na may kaogmahan asin karantahan, sa tanog nin tamborin saka arpa.

Genesis 31:36

Dangan naanggot si Jacob asin hinapot si Laban, “Anong krimen an naginibo ko? Anong kasalan ko ta linamag mo ako?

Genesis 34:29

Kinua ninda an gabos na mahahalagang bagay asin binihag ninda an gabos na babae saka aki; kinua man ninda an gabos na yaon sa mga harong.

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Juan 18:35

Nagsimbag si Pilato, “Ano ako, Judio? An mga kahimanwa mo asin an mga poon na padi an nagdara saimo digdi sako. Ano an ginibo mo?”

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”

1 Samuel 14:43

Hinapot ni Saul si Jonatan, “Ano an ginibo mo?” Nagsimbag si Jonatan, “Nagkakan ako nin dikit na dugos. Uya ako, andam na magadan.”

1 Samuel 17:29

Naghapot si David, “Ano an naginibo ko? Dai na daw ako pwedeng maghapot?”

1 Samuel 30:2

asin binihag an gabos na babae; mayo sinda nin ginadan alagad binihag ninda an lambang saro kan maghale sinda.