Genesis 31:24 - Marahay na Bareta Biblia

²⁴ Alagad sa sarong pangatorogan kan bangging idto, nagpahiling an Dios saiya asin nagtaram, “Laban, hare nanggad pagtakota si Jacob sa ano man na paagi.”

Genesis 31:24 ပူးပေါင်းရင်းမြစ်များ

Genesis 20:3

Sarong banggi, nagpahiling an Dios ki Abimelek sa pangatorogan asin nagtaram, “Magagadan ka huli ta kinua mo an babaeng ini na may agom.”

Genesis 20:6

Nagsimbag an Dios sa pangatorogan, “Aram kong malinig an saimong konsyensya kaya dai ko itinugot na magkasala ka sako asin madotdot mo siya.

Genesis 24:50

Nagsimbag saiya si Laban asin si Betuel, “Mayo kaming masasabi huli ta an bagay na ini hale sa Kagurangnan.

Genesis 28:5

Kaya pinaduman ni Isaac si Jacob sa Mesopotamia, ki Laban na aking lalaki ni Betuel na Arameo, na tugang ni Rebecca na ina ni Jacob asin ni Esau.

Genesis 31:10

“Kan tig-maroan nin mga hayop, nagkaigwa ako nin pangatorogan asin nahiling ko na an mga lalaking kanding na nagmamaro anas may patak-patak asin may raya-raya.

Genesis 31:11

Dangan sinabihan ako kan anghel nin Dios sa sakong pangatorogan, ‘Jacob!’ ‘Uya ako!’ an simbag ko.

Genesis 31:23

Kaya ipinag-iba niya an saiyang mga tawohan asin linamag niya si Jacob sa laog nin pitong aldaw sagkod na maabotan niya ini sa mabulod na daga nin Gilead.

Genesis 31:25

Kan maabotan ni Laban si Jacob, nakapatindog na ini kan saiyang tolda sa sarong bukid, kaya duman si Laban nagkampo sa mabulod na daga nin Gilead.

Genesis 31:29

Pwede takang kulogan, alagad pinatanidan ako kan Dios nin saimong ama kasubanggi na dai taka nanggad pagtakoton sa ano man na paagi.

Genesis 31:42

Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Genesis 31:7

dinaya niya ako asin sampolong beses niyang liniwat an sakong sweldo. Alagad dai itinugot nin Dios na kulogon niya ako.

Genesis 40:5

Sarong banggi, duman sa bilanggoan, nangatorogan an kopero asin an panadero alagad an saindang pangatorogan magkaiba an kahulogan.

Genesis 41:1

Pakalihis nin duwang taon, nangatorogan an hade nin Egipto na nakatindog siya sa pangpang kan Salog nin Nilo,

2 Samuel 13:22

Naongis nin marahay si Absalom ki Amnon huli kan paglupigi niya ki Tamar, kaya dai na niya kinakaolay si Amnon.

1 Mga Hade 3:5

Pagkabanggi, nagpahiling saiya sa pangatorogan an Kagurangnan; asin naghapot an Dios, “Ano an boot mong itao ko saimo?”

An Libro ni Job 33:25

Magigin hoben asin makosog giraray an saiyang hawak;

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Oseas 12:12

Nagdulag an satong ginikanan na si Jacob pasiring sa Mesopotamia asin duman nag-agom. Nagtrabaho siya sa ibang tawo saka nag-ataman kan mga karnero kaini tanganing maagom an babaeng idto.

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Mga Bilang 22:20

Pagkabanggi nagtaram an Dios ki Balaam, “Kun napadigdi an mga lalaking iyan tanganing pakiolayan kang umiba sainda, mag-andam ka asin umiba ka sainda, alagad gibohon mo sana an itataram ko saimo.”

Mga Bilang 22:26

Dangan nagpaenotan an anghel asin nagtindog sa sarong lugar na dai na nin masusukian minsan pawala o patoo.

Mga Bilang 24:13

maski na itao mo sako an gabos na plata saka bulawan sa saimong palasyo, dai ko pwedeng lapason an pagboot nin Kagurangnan. Dai ko magigibo an sadiri kong kabotan. An itinaram sako nin Kagurangnan iyo sana an sakong sasabihon.”

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Mateo 2:12

Pinatanidan sinda nin Dios sa pangatorogan na dai na magbalik ki Herodes. Kaya ibang dalan an saindang inagihan pagpuli.

Mateo 27:19

Mantang nagtutukaw si Pilato duman sa hukoman, pinatogonan siya kan saiyang agom: “Dai ka makilabot sa matanos na tawong iyan, huli ta sa pangatorogan ko kasubanggi, nagtios ako nin makuri dahel saiya.”

Deuteronomio 26:5

Dangan sasabihon nindo ini sa atubang nin Kagurangnan: ‘Sarong paralakaw na Arameo an sakong ama, na nagduman sa Egipto kaiba an saiyang pamilya tanganing mag-erok duman. Kadikit sana sinda na nagduman, alagad nagdakul sinda asin nagin sarong mapangyaring nasyon.