Genesis 31:19 - Marahay na Bareta Biblia

¹⁹ Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:19 ပူးပေါင်းရင်းမြစ်များ

Genesis 24:38

alagad magduman ka sa sakong ginikanan, sa mga kadugo ko, asin duman ka magpili nin agom para sa sakong aki.’

Genesis 31:20

Nadaya ni Jacob si Laban huli sa dai niya pagpaisi saiya na mahale na siya.

Genesis 31:30

Aram kong naghale ka huli ta gusto mong makapuli sa saindo, alagad tano ta hinabon mo an sakong mga dios-dios?”

Genesis 31:32

Ngunyan, kun may makuahan ka digdi kan saimong mga dios-dios, gagadanon siya. Kaya sa atubang kan satong mga tawohan, hanapa an ano man na sadiri mo na yaon sako asin kuaha.” Dai aram ni Jacob na hinabon ni Rachel an mga dios-dios ni Laban.

Genesis 31:34

Kinua na palan ni Rachel an mga dios-dios ni Laban, itinago sa kamadero kan kamelyo asin tinukawan an mga ini. Naghanap si Laban kan saiyang mga dios-dios sa bilog na tolda, alagad dai niya nakua duman.

Genesis 31:35

Olay ni Rachel sa saiyang ama, “Kagurangnan, dai ka logod maanggot sako. Dai ako pwedeng magtindog sa saimong atubang huli ta nareregla ako.” Nagpadagos sa paghanap si Laban alagad dai niya nakua an saiyang mga dios-dios.

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

Genesis 38:13

Igwang nakaosip ki Tamar na an saiyang panugangan maduman sa Timna sa paggunting kan mga karnero.

2 Samuel 13:23

Pakalihis nin duwang taon, kan pinapaguntingan ni Absalom an saiyang mga karnero sa Baal-hazor, harani sa banwa nin Efraim, an gabos na aking lalaki kan hade inalok ni Absalom na magduman.

2 Mga Hade 23:24

Laen pa kaiyan, hinale ni Josias an mga espiritista, an mga parahula, an mga dios-dios asin mga ladawan, dangan an gabos na makauuyam na bagay na nahiling sa daga nin Juda saka sa Jerusalem tanganing maotob an katogonan na nasusurat sa libro na nanumpongan kan halangkaw na padi na si Hilkias duman sa Templo.

Ezekiel 21:21

An hade nin Babilonia nagtitindog sa may poste sa pinagsasangahan kan dalan. Tanganing maaraman niya kun arin na dalan an saiyang aagihan, hinihiro niya an mga bosog, nakikihumapot siya sa saiyang mga dios-dios, asin sinisiyasat an apdo kan sarong hayop na isinakripisyo.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Josue 24:2

Sinabihan ni Josue an mga tawo, “Iyo ini an tataramon nin Kagurangnan, an Dios nin Israel: ‘Kaidtong panahon, an saindong mga ginikanan nag-erok sa ibong kan Salog nin Eufrates asin nagsamba sa ibang mga dios. An saro sa mga ginikanan na ini iyo si Tera, na ama ni Abraham asin ni Nahor.

Hukom 18:31

Dai man hinale an mga dios-dios ni Micas mantang nasa Shilo an Tabernakulo nin Dios.

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 19:13

Pakatapos, kinua ni Mical an sarong ladawan, pinahigda sa katre, pinaulon sa sarong ulonan na gibo sa balukag nin mga kanding dangan tinamongan.

1 Samuel 25:2

Igwa nin sarong lalaki na an ngaran Nabal; kaayon siya sa kamaganakan ni Caleb. Gikan siya sa banwa nin Maon asin igwa nin sadiring daga harani sa banwa nin Carmelo. Mayaman siyang marahay; tolong ribo an sadiri niyang mga karnero asin sangribo an saiyang kanding. Magayon asin madonong an agom niyang si Abigail, alagad maraot an ugale kan lalaking ini. Ginuguntingan ni Nabal an saiyang mga karnero sa Carmelo,