Genesis 31:12 - Marahay na Bareta Biblia

¹² Nagsabi siya, ‘Hilinga, an mga lalaking nagmamaro anas may patak-patak asin may raya-raya. Pinapangyari ko ini huli ta nahiling ko an gabos na ginigibo saimo ni Laban.

Genesis 31:12 ပူးပေါင်းရင်းမြစ်များ

Genesis 31:10

“Kan tig-maroan nin mga hayop, nagkaigwa ako nin pangatorogan asin nahiling ko na an mga lalaking kanding na nagmamaro anas may patak-patak asin may raya-raya.

Genesis 31:42

Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 139:3

Hinihiling mo kun ako minalakaw o minahigda; aram mo an gabos kong mga gibo.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Exodo 3:9

Nadangog ko an inagrangay kan sakong banwaan asin nahiling ko an pag-api sainda kan mga Egipcio.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Levitico 19:13

“Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Mga Gibo 7:34

Nahiling ko an kasakitan kan sakong banwaan sa Egipto. Nadangog ko an inagrangay ninda kaya nagdigdi ako sa pagligtas sainda. Madya ta susugoon taka sa Egipto.’

Efeso 6:9

Mga kagurangnan, siring man an gibohon nindo sa saindong mga oripon; dai nindo sinda pagpatakoton. Giromdomon nindo na kamo saka an saindong mga oripon sakop kan saro sanang Kagurangnan na yaon sa langit. Mayo siyang pinapalaen na tawo.

Deuteronomio 24:15

Aroaldaw, bago magsolnop an aldaw, tandanan nindo siya para sa trabaho sa aldaw na iyan, huli ta siya dukha asin iyan an saiyang pinaglalaoman. Kun dai nindo siya bayadan, maagrangay siya sa Kagurangnan laban saindo asin magkakasala kamo.