Genesis 30:43 - Marahay na Bareta Biblia

⁴³ Sa paaging ini, nagyaman nin marahay si Jacob. Nagkaigwa siya nin dakul na hayop, oripon, kamelyo asin asno.

Genesis 30:43 ပူးပေါင်းရင်းမြစ်များ

Genesis 12:16

Huli ki Sarai, nagin marahay an pag-ako ki Abram kan hade. Tinawan siya kaini nin mga karnero, kanding, baka, asno, oripon asin kamelyo.

Genesis 13:2

Mayaman nang marahay si Abram huli ta kadakul na kan saiyang mga hayop, plata asin bulawan.

Genesis 24:35

“Benendisyonan nin marahay nin Kagurangnan an sakong kagurangnan kaya siya nagyaman. Tinawan siya nin dakul na karnero, kanding asin baka, plata asin bulawan, mga oripon na babae asin lalaki, mga kamelyo asin asno.

Genesis 28:15

Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

Genesis 30:30

Dikit an sadiri mo bago ako mag-abot; ngunyan dakul nang marahay asin benendisyonan ka nin Kagurangnan huli sako. Bako daw panahon na tanganing mangnohon ko man an sakong sadiring pamilya?”

Genesis 30:42

Alagad dai niya ibinubugtak an mga sanga sa atubang kan mga maniwang na hayop. Kaya an gabos na maniwang napaduman ki Laban, asin an gabos na makosog napaduman ki Jacob.

Genesis 31:1

Nadangog ni Jacob na ipinapamareta kan mga aking lalaki ni Laban na, “Kinua ni Jacob an gabos na sadiri kan samong ama. An gabos niyang yaman gikan sa sadiri kan samong ama.”

Genesis 31:42

Kun dai ako inibahan kan Dios nin sakong mga magurang, an Dios ni Abraham asin ni Isaac, tibaad haloy mo na akong pinalayas na mayo nin ano man na dara. Alagad nahiling nin Dios an sakong kasakitan asin an sakong kapagalan, kaya naanggotan ka niya kasubanggi.”

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

Genesis 32:5

Dakul na an sadiri kong baka, asno, karnero, kanding asin oripon. Nagpasugo ako saimo sa paglaom na magigin marahay an pag-ako mo sako.”

Genesis 33:11

Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

Genesis 36:7

Naghale siya huli ta an daga dai na nagkanigo sa saindang magtugang; dakul nang marahay an saindang mga hayop kaya dai na sinda pwedeng mag-erok sa parehong lugar.

Parahulit 2:7

Nagbakal ako nin mga oripon na lalaki saka babae, asin igwa nin mga oripon na namundag sa laog kan sakong harong. Nasadirihan ko an dakul na hayop, na mas dakul ki sa mga pagsadiri kan mga naenot sa sakong naghade sa Jerusalem.

Ezekiel 39:10

Dai na sinda maduman sa kaomahan tanganing mangua nin igatong, asin dai na sinda mamamalod nin kahoy sa kadlagan, huli ta an nabayaan na mga armas iyo an gagamiton ninda. Hahabonan asin sasamsaman ninda an nanghabon saka nanamsam sainda.” An Kagurangnan Dios an nagtaram.

Lukas 12:45

Alagad kun an sorogoon na iyan magsaboot na haloy pa bago magbalik an saiyang kagurangnan asin poonan niyang kulogan an kapwa niya sorogoon na lalaki asin babae, dangan magkakan siya saka magburat—