Genesis 30:25 - Marahay na Bareta Biblia

²⁵ Pagkamundag ni Jose, sinabihan ni Jacob si Laban, “Tugote akong maghale tanganing makapuli ako sa sadiri kong harong asin daga.

Genesis 30:25 ပူးပေါင်းရင်းမြစ်များ

Genesis 18:33

Naghale na an Kagurangnan pakatapos niyang magtaram ki Abraham; nagpuli man si Abraham sa saiyang harong.

Genesis 24:54

Dangan nagkakan asin nag-inom an sorogoon ni Abraham kaiba an saiyang mga tawohan; duman sinda nagkatorog. Pagbangon ninda kinaagahan, nagsabi an sorogoon ni Abraham, “Tugote akong magpuli sa sakong kagurangnan.”

Genesis 24:56

Nagsimbag an sorogoon, “Dai nindo ako pag-olangon. Tinabangan ako nin Kagurangnan sa sakong lakaw; tugote akong magpuli sa sakong kagurangnan.”

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 28:15

Giromdoma na iibahan asin aatamanon taka saen ka man magduman, asin ibabalik taka sa dagang ini. Dai taka babayaan sagkod na magibo ko an itinaram ko saimo.”

Genesis 31:13

Ako an Dios na nagpahiling saimo sa Betel, saen nagpatindog ka nin hariging giromdoman na inulaan mo nin lana, asin saen nanumpa ka sako. Mag-andam ka asin magbalik ka sa dagang saimong namundagan.’”

Genesis 31:55

Pagkaagang amay, hinadokan ni Laban an saiyang mga makoapo asin mga aki dangan benendisyonan niya sinda; pakatapos, nagpuli na siya sa saiyang harong.

Hebreyo 11:9

Huli sa pagtubod, nag-erok siya bilang sarong dayuhan sa daga na ipinanuga saiya nin Dios. Nag-erok siya sa mga tolda arog ki Isaac asin ki Jacob, na nag-ako man kan parehong panuga nin Dios.