Genesis 30:1 - Marahay na Bareta Biblia

¹ Alagad mayo pa minsan sarong aki si Rachel kaya naara siya sa saiyang tugang. Sinabihan niya si Jacob, “Tawe ako nin mga aki ta kun dai, magagadan ako.”

Genesis 30:1 ပူးပေါင်းရင်းမြစ်များ

Genesis 29:31

Kan mahiling nin Kagurangnan na pinaorog ni Jacob si Rachel, pinagmarahay niyang magkaaki si Lea alagad ginibo niyang baog si Rachel.

Genesis 37:11

Kaya naori saiya an saiyang mga tugang alagad an bagay na ini pinaghorophorop kan saiyang ama.

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

An Libro ni Job 13:19

“Madigdi ka daw sa pagsumbong sako, O Dios? Kun iyo, dai na ako magirong; andam na akong magadan.

An Libro ni Job 3:11

“Tadaw ta dai ako nagadan sa tulak nin sakong ina o nagadan pakatapos na ako mamundag?

An Libro ni Job 5:2

Totoo nanggad na an kaanggotan minagadan sa lolong, asin an pag-imon minagadan sa kulang nin pakasabot.

Salmo 106:16

Duman sa kampo, kan naori sinda ki Moises asin ki Aaron, an banal na sorogoon nin Kagurangnan,

Mga Talinhaga 14:30

An isip na matoninong minatao nin marahay na hawak, alagad an pag-imon nakakaagid sa helang na kanser.

Mga Talinhaga 30:16

An kinaban kan mga gadan, an babaeng mayong aki, an alang na daga na nangangaipo nin uran, asin an kalayo na nagkakaraba.

Parahulit 4:4

Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Mga Bilang 11:15

Kun iyan an gigibohon mo, maherak ka sako asin gadanon mo na ako tanganing dai na ako magtios kan saimong pasakit.”

Mga Bilang 11:29

Nagsimbag si Moises, “Nagmamakulog ka daw sako? Tawan logod nin Kagurangnan kan saiyang espiritu an gabos na tawo asin gibohon na propeta sinda gabos!”

Juan 4:3

Kan maaraman ini ni Jesus, naghale siya sa Judea asin nagbalik sa Galilea.

Juan 4:8

Mayo duman an saiyang mga disipulo huli ta nagbakal nin kakanon sa banwaan.)

1 Corinto 3:3

huli ta mga tawong kinabanon pa kamo. Igwa kamo nin ororihan saka iriwal asin nagpapatotoo iyan na kamo mga kinabanon pang tawo na namumuhay sosog sa laman.

2 Corinto 7:10

Huli ta an kamondoan na ginagamit nin Dios nagbubunga nin pagsolsol na minadara sa kaligtasan—iyan dai dapat pagbasolan! Alagad an kamondoan na itinatao kan kinaban nagdadara nin kagadanan.

Galacia 5:21

pag-ori, pagburat, dororogan, asin iba pang bagay na arog kaiyan. Pinapatanidan ko kamo siring sa ginibo ko kaidto: an mga naggigibo kan mga bagay na ini dai magmamana kan Kahadean nin Dios.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Santiago 3:14

Alagad kun sa puso nindo igwa nin pag-ori, kapaitan saka kapasloan, dai kamo mag-orgulyo asin dai kamo magkasala sa katotoohan.

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”