Genesis 3:19 - Marahay na Bareta Biblia

¹⁹ Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Genesis 3:19 ပူးပေါင်းရင်းမြစ်များ

Genesis 18:27

Nagpadagos si Abraham, “Patawada ako, Kagurangnan, ta nangahas akong makiolay saimo, ako na saro sanang tawo asin mayo nin deretso na magsabi nin ano man.

Genesis 2:7

Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

Genesis 23:4

“Dayuhan ako digdi na nakikihimanwa sa saindo; pabakalan nindo ako nin daga tanganing ikalubong ko an sakong agom.”

Genesis 3:18

Matalubo sa daga an mga doot saka mga tonok, asin mapipiritan kang magkakan nin mga tinanom sa kadlagan.

Genesis 5:5

bago siya nagadan sa edad na nwebe syentos treyntang taon.

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

An Libro ni Job 10:9

Giromdoma na ginibo mo ako hale sa laboy; boot mong magin kabokabo ako giraray?

An Libro ni Job 19:26

Maski pakatapos na tunawon nin helang an sakong kublit, mantang yaon pa sa hawak na ini mahihiling ko an Dios.

An Libro ni Job 21:26

Alagad an gabos nagagadan dangan ilinulubong; tinatahoban sinda nin mga ulod.

An Libro ni Job 34:15

magagadan an gabos na nabubuhay asin mabalik sa alpog na saiyang pinaghalean.

An Libro ni Job 4:19

Sa linalang pa daw na hinaman sa laboy, na ginibo sa alpog asin pwedeng maronot arog sa sarong mariposa?

Salmo 103:14

Aram niya kun hale sa ano kita ginibo; romdom niya na kita mga kabokabo.

Salmo 104:23

An tawo minaluwas sa pagtrabaho asin minatrabaho siya sagkod magbanggi.

Salmo 104:29

Kun minatalikod ka, nahahandal sinda; kun hinahale mo an saindang hinangos, nagagadan sinda asin minabalik sa alpog na saindang ginikanan.

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Salmo 22:15

Siring sa mamarang alpog halonan ko naaalang; dila ko nakadukot sa sakong ngaragngag. Hinutad mo ako sa alpog nin kagadanan.

Salmo 22:29

Mga mapaabaw-abaw sa daga maduko sa saiyang atubang; masamba saiya gabos na linalang, na sa alpog mabalik kun mayo na nin buhay.

Salmo 90:3

An tawo ibinabalik mo sa alpog; tinataraman mo, “Bumalik kamo, mga aki nin tawo!”

Mga Talinhaga 21:16

An kagadanan naghahalat sa kiisay man na minaharayo sa dalan nin pakasabot.

Parahulit 1:13

Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 1:3

Ano an napapakinabang nin tawo sa gabos niyang ginigibo sa kinaban?

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Parahulit 3:20

Pareho man an saindang padudumanan—gikan sinda sa alpog asin sa alpog sinda mabalik.

Parahulit 5:15

An tawo huba kan maglaog sa kinaban; siring man, huba siyang mahale sa kinaban. Maski dakul an saiyang naginibo, mayo siyang madadara maski ano.

Daniel 12:2

Mabubuhay giraray an kadaklan sa mga gadan na; an nagkapira mabubuhay sagkod pa man, mantang an iba magtitios nin daing kataposan na kasosopgan.

1 Corinto 15:47

An enot na Adan hale sa daga, linalang sa alpog; an ikaduwang Adan hale sa langit.

Efeso 4:28

An parahabon dai na maghabon, kundi magtrabaho sa matanos na paagi tanganing matabangan niya an mga nangangaipo.

1 Tesalonica 2:9

Giromdomon nindo, mga tugang, kun gurano an pagtrabaho saka pagmalasakit mi! Nagtrabaho kami aldaw-banggi tanganing dai kami makapagabat saindo mantang naghuhulit kami saindo kan Marahay na Bareta nin Dios.

2 Tesalonica 3:10

Huli ta kan kami kaiba pa nindo, sinabi mi saindo na, “An siisay man na habong magtrabaho, dai dapat pakakanon.”

Hebreyo 9:27

Itinalaan na sarong beses sana magadan an lambang tawo, dangan an paghukom.