Genesis 3:18 - Marahay na Bareta Biblia

¹⁸ Matalubo sa daga an mga doot saka mga tonok, asin mapipiritan kang magkakan nin mga tinanom sa kadlagan.

Genesis 3:18 ပူးပေါင်းရင်းမြစ်များ

Genesis 3:17

Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

An Libro ni Job 31:40

kun siring, magtalubo logod an mga tonok embes na mga trigo, asin an mga doot embes na mga sebada.” Digdi natapos an mga tataramon ni Job.

An Libro ni Job 5:5

An saiyang inani kakakanon kan mga gutom— maski an tipasi na nagtatalubo sa tahaw nin mga tonok— asin an mga napapaha maaara sa saiyang kayamanan.

Salmo 104:2

natatahoban ka nin kaliwanagan. An kalangitan biniklad mo arog sa sarong tolda.

Salmo 90:3

An tawo ibinabalik mo sa alpog; tinataraman mo, “Bumalik kamo, mga aki nin tawo!”

Mga Talinhaga 22:5

Mga tonok saka mga siod an nasa dalan kan tampalasan; an namomoot sa sadiri minalikay sa mga iyan.

Mga Talinhaga 24:31

Gabos tonok saka doot an nagtatalubo duman. Gaba an gapong kudal kaini.

Isaias 32:13

dangan mga binit saka doot na an nagtatalubo sa daga kan sakong banwaan. Tangisan nindo an mga harong na dating maogma asin an syudad na dating pano nin buhay.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 7:23

“Pag-abot kan panahon na iyan, an lambang ubasan, na kaidto nakukuahan nin sangribong balagon nin ubas asin nagkakahalaga nin sangribong pedaso nin plata, matatambonan nin mga binit saka tonok.

Isaias 7:24

An mga tawo maduman na may darang pana tanganing mang-ayam, huli ta an bilog na daga mapapano nin mga binit saka tonok.

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Jeremias 4:3

An Kagurangnan nagtataram sa mga taga Juda asin sa mga taga Jerusalem, “Aradohon nindo an saindong daga na dai naaarado; dai nindo ipagtanom an saindong banhi sa tahaw kan mga tonok.

Mateo 13:7

An iba man na banhi nahulog sa katonokan; pagtambo kan mga tonok, pinoot an mga banhi.

Roma 14:2

May tawong nagtutubod na pwede siyang magkakan nin maski ano, alagad may tawo na maluya sa pagtubod, kaya gulay sana an kinakakan.

Hebreyo 6:8

Alagad kun an minatalubo diyan mga tonok saka mga doot, mayong pakinabang an dagang iyan; pwedeng maldisyonon iyan nin Dios; asin sa kataposan, susuloon.

Josue 23:13

saboton nanggad nindo na dai na papahaleon nin Kagurangnan na saindong Dios an mga nasyon na iyan sa pagdangadang nindo. Alagad sinda magigin sarong siod saka sarong kalot para saindo, sarong makosog na panghampak sa saindong likod, sagkod mga tonok sa saindong mga mata. Dangan magdadanay iyan sagkod na mayo nang matada saindo digdi sa marahay na dagang itinao saindo nin Kagurangnan na saindong Dios.