Genesis 3:17 - Marahay na Bareta Biblia

¹⁷ Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

Genesis 3:17 ပူးပေါင်းရင်းမြစ်များ

Genesis 3:11

“Siisay an nagsabi saimo na huba ka?” an hapot nin Dios. “Nagkakan ka kan bunga kan kahoy na ipinapangalad ko?”

Genesis 3:18

Matalubo sa daga an mga doot saka mga tonok, asin mapipiritan kang magkakan nin mga tinanom sa kadlagan.

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

Genesis 5:29

Nagsabi siya, “Hale sa dagang isinumpa nin Kagurangnan, an aking ini madara sato nin kaginhawahan sa gabos nyatong kapagalan”; kaya Noe an inginaran niya sa aki.

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

An Libro ni Job 14:1

“Gabos kita namundag na maluya asin makaheherak; halipot an mga aldaw kan satong buhay, asin pano nin kasakitan.

An Libro ni Job 21:17

“Pirang beses nang pinalsok an ilaw kan maraot? May napahamak na daw maski saro sainda? Pinadusahan na daw nin Dios sa saiyang kaanggotan an mga maraot,

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Parahulit 2:11

Dangan pinaghorophorop ko an gabos kong ginibo asin an kapagalan sa paggibo kaiyan. Namidbid ko na gabos mayo nin halaga, asin garo sanang paglamag sa doros; mayo lamang nin pakinabang.

Parahulit 2:17

Kaya ikinaongis ko an buhay, huli ta gabos kasakitan an dinara sako kaini. An gabos mayo nin halaga, asin garo sanang paglamag sa doros.

Parahulit 5:17

An bilog niyang aldaw ipinapamuhay niya sa kadikloman, sa kamondoan, sa kahandalan, sa kaanggotan, asin sa kahelangan.

Mateo 22:12

Hinapot siya kan hade, ‘Katood, paano kang nakalaog digdi na dai ka nakasulot nin gubing sa pakikinasal?’ Dai nakagirong an lalaki.

Mateo 25:45

Masimbag an Hade sainda, ‘Sa katotoohan sinasabihan ko kamo, an dai nindo ginibo sa saro kan mga pinakasadit na ini, dai man nindo ginibo sako.’

Lukas 19:22

Dangan sinabihan kan hade an sorogoon na ini, ‘Maraot kang sorogoon! Papadusahan taka siring sa itinaram mo! Aram mo palan na maisip ako, kinukua ko an bako kong pinagpagalan saka nag-aani kan bako kong itinanom;

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

Hebreyo 6:8

Alagad kun an minatalubo diyan mga tonok saka mga doot, mayong pakinabang an dagang iyan; pwedeng maldisyonon iyan nin Dios; asin sa kataposan, susuloon.