Genesis 29:33 - Marahay na Bareta Biblia

³³ Nagbados siya giraray asin nag-aki nin lalaki. Nagsabi siya, “Itinao pa sako an aking ini huli ta nadangog nin Kagurangnan na ikinakaongis ako;” kaya an aki nginaranan niyang Simeon.

Genesis 29:33 ပူးပေါင်းရင်းမြစ်များ

Genesis 30:18

Olay ni Lea, “Tinandaan ako nin Dios huli ta itinao ko an sakong oripon sa sakong agom;” kaya an aki nginaranan niyang Issakar.

Genesis 30:20

Olay niya, “Tinawan ako nin Dios nin magayon na regalo; ngunyan aakoon na ako ni Jacob bilang agom huli ta anom nang aking lalaki an ipinangaki ko”; kaya an aki nginaranan niyang Zabulon.

Genesis 30:6

Olay ni Rachel, “Hinukoman ako nin Dios. Dinangog niya an sakong mga pamibi asin tinawan niya ako nin aki;” kaya an aki nginaranan niyang Dan.

Genesis 30:8

Nagsabi si Rachel, “Nakilaban ako nin marahay sa sakong tugang asin ako an nanggana;” kaya an aki nginaranan niyang Neftali.

Genesis 34:25

Pakalihis nin tolong aldaw, kan grabe an kulog na namamatean kan kalalakihan huli sa pagserkomsisyon sainda, an duwang aking lalaki ni Jacob na si Simeon saka si Levi, na mga tugang ni Dina, hilom na naglaog sa syudad dara an saindang espada, asin ginadan an gabos na lalaki duman.

Genesis 34:30

Nagsabi si Jacob ki Simeon asin ki Levi, “Dinarahan nindo ako nin problema; maaanggot sako an mga Cananeo, mga Perezeo saka an gabos na nag-eerok digdi sa daga. Dikit an tawohan ko; kun magkaboronyog sinda laban sako asin salakayon ako, magagadan an bilog tang pamilya.”

Genesis 35:23

An mga aki ni Lea iyo si Ruben (an matuang aking lalaki ni Jacob), si Simeon, Levi, Juda, Issakar, asin Zabulon.

Genesis 42:24

Binayaan ngona sinda ni Jose asin naghibi. Dangan nagbalik siya sainda saka pinili si Simeon na saiyang ipinagapos sa atubang ninda.

Ezekiel 48:24

Kadolonan kan daga ni Benjamin, poon sa sirangan pasiring sa solnopan, sarong kabtang para ki Simeon.

Deuteronomio 21:15

“Halimbawa an sarong lalaki igwa nin duwang agom, asin padangat niya an saro sainda. Dangan nagkaaki siya sa duwa, alagad an matuang lalaki bakong aki kan padangat niyang agom.