Genesis 29:25 - Marahay na Bareta Biblia

²⁵ Pagkaaga, nahiling ni Jacob na an kadorog niya iyo si Lea, kaya sinabihan niya si Laban, “Ano ining ginibo mo sako? Bakong nagmanugang ako saimo para ki Rachel? Tano ta dinaya mo ako?”

Genesis 29:25 ပူးပေါင်းရင်းမြစ်များ

Genesis 12:18

Kaya ipinaapod kan hade si Abram asin hinapot, “Ano ining ginibo mo sako? Tano ta dai ka nagtaram na agom mo an babaeng ini?

Genesis 20:9

kaya inapod ni Abimelek si Abraham asin sinabihan, “Ano ining ginibo mo samo? Ano an nagin kasalan ko saimo ta dinara mo sako asin sa bilog kong nasasakopan an kapahamakan na ini? Ginibo mo sa sako an mga bagay na dai dapat gibohon.

Genesis 26:10

Naghapot si Abimelek, “Ano ining ginibo mo samo? Pasil kutanang madorogan an saimong agom kan saro sa mga tawohan ko, asin kun nangyari ini, ika an babasolon.”

Genesis 29:16

Si Laban igwang duwang aking daraga: si Lea an matua, asin si Rachel an ngohod.

Genesis 29:24

(Itinao ni Laban ki Lea an oripon niyang babaeng si Zilpa tanganing magin saiyang katabang.)

Genesis 29:26

Nagsimbag si Laban, “Bakong ugale digdi na enot na ipaagom an ngohod.

Genesis 31:26

Sinabihan ni Laban si Jacob, “Tano ta dinaya mo ako, asin dinara mo an sakong mga aki na siring sa mga bihag sa gera?

Genesis 31:7

dinaya niya ako asin sampolong beses niyang liniwat an sakong sweldo. Alagad dai itinugot nin Dios na kulogon niya ako.

Mga Talinhaga 11:31

An matanos babalosan digdi sa daga, kaya laomon mo na papadusahan an maraot saka an parakasala.

Mateo 7:12

“Kaya gibohon nindo sa iba an boot nindong gibohon ninda saindo. Ini an kahulogan kan Katogonan ni Moises asin kan mga katukdoan kan mga propeta.

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

1 Corinto 3:13

Mahihiling an klase kan trabaho nin lambang saro kun ihayag na iyan sa Aldaw ni Cristo; huli ta sa Aldaw na iyan, ihahayag nin kalayo na iyo an mabalo kan trabaho na ginibo nin lambang saro.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

Ruth 4:11

Nagsabi an mga lider asin an gabos na yaon duman, “Mga saksi kami. Gibohon logod nin Kagurangnan na an saimong agom magin arog ki Rachel saka ki Lea, na nagtao nin dakul na aki ki Jacob. Yumaman ka logod sa kamaganakan ni Efrat asin magin bantog sa Betlehem.

1 Samuel 28:12

Kan mahiling kan babae si Samuel, nagkurahaw siya nin makosog asin nagsabi ki Saul, “Tadaw ta dinaya mo ako? Ika si Hadeng Saul!”