Genesis 29:2 - Marahay na Bareta Biblia

² Mantang nangangalagkalag siya, nahiling niya an sarong bubon sa oma asin an tolong grupo nin mga karnero na nagloloko sa palibot kan bubon. Digdi sa bubon na ini, na nalulukdoan nin dakulang gapo, pinapainom an mga karnero.

Genesis 29:2 ပူးပေါင်းရင်းမြစ်များ

Genesis 24:10

Nagkua an sorogoon nin sampolong kamelyo kan saiyang kagurangnan asin kinargahan nin manlaen-laen na mamahalon na regalo dangan naglakaw na siya pasiring sa Mesopotamia, sa syudad na pinag-eerokan ni Nahor.

Genesis 24:11

Pag-abot niya, pinaluhod niya an mga kamelyo sa may bubon sa luwas kan syudad. Nagsosolnop na an aldaw asin iyo idto an oras na an kababaehan nagduduman tanganing magharok nin tubig.

Genesis 24:13

Uya ako ngunyan sa may bubon na pinaghaharokan nin tubig kan mga daraga kan syudad na ini.

Genesis 29:3

Kun nagkakatiripon na an gabos na karnero, tarabang na hinahale kan mga pastor an dakulang gapo dangan pinapainom an mga karnero; pakatapos, ibinabalik ninda an lukdo sa bubon.

Salmo 23:2

Pinapahingalo niya ako sa mga berdeng sabsaban, asin dinadara niya ako sa mga tubig na malinaw.

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”

Juan 4:6

Yaon duman an bubon ni Jacob. Huli ta pagal si Jesus sa pagbaklay, nagtukaw siya sa gilid kan bubon. Mag-aalas dose na nin odto.

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”

Hukom 5:11

Dangoga! An ribok kan nagtitiripon sa palibot kan mga bubon, nag-oosip kan kapangganahan nin Kagurangnan, kapangganahan kan banwaan nin Israel! Dangan nagmartsa pasiring sa saindang mga trangkahan an banwaan nin Kagurangnan.