Genesis 29:18 - Marahay na Bareta Biblia

¹⁸ Namoot si Jacob ki Rachel, kaya nagsabi siya ki Laban, “Malingkod ako saimo sa laog nin pitong taon kun ipaagom mo sako an ngohod mong aking si Rachel.”

Genesis 29:18 ပူးပေါင်းရင်းမြစ်များ

Genesis 24:67

Dangan dinara ni Isaac si Rebecca sa tolda na pinag-erokan kaidto ni Sara na saiyang ina asin nagin niyang agom si Rebecca. Namotan niya si Rebecca na nagin karangahan niya sa pakagadan kan saiyang ina.

Genesis 29:19

Nagsimbag si Laban, “Mas marahay pang itao ko siya saimo ki sa ibang lalaki; digdi ka sako.”

Genesis 29:20

Kaya nagmanugang ki Laban si Jacob para ki Rachel sa laog nin pitong taon na garo sana nagkapirang aldaw huli kan pagkamoot niya ki Rachel.

Genesis 29:30

Dinorogan man ni Jacob si Rachel asin namotan niya ini nin labi pa ki Lea. Dangan naglingkod siya ki Laban nin pito pang taon.

Genesis 30:26

Tawan sako an sakong mga agom asin kaakian na napasako huli sa paglingkod ko saimo asin mahale na ako; aram mo kun anong paglingkod an ginibo ko saimo.”

Genesis 31:41

Iyan an nagin buhay ko sa laog nin beynteng taon na yaon ako saimo. Naglingkod ako saimo sa laog nin katorseng taon para sa duwang aki mo, asin anom na taon para sa saimong mga hayop. Alagad sampolong beses mo pang liniwat an sweldo ko.

Genesis 34:12

Sabihan nindo sako an ano man na regalo saka dote sa kasal, asin itatao ko saindo, kun tugotan nindo akong agomon siya.”

2 Samuel 3:14

Nagpadara man nin sugo si David ki Isboset tanganing magsabing, “Balikan sako an agom kong si Mical. Nagbayad akong sanggatos na kublit kan mga kinabuhay kan lalaking mga Filisteo tanganing maagom ko siya.”

Oseas 12:12

Nagdulag an satong ginikanan na si Jacob pasiring sa Mesopotamia asin duman nag-agom. Nagtrabaho siya sa ibang tawo saka nag-ataman kan mga karnero kaini tanganing maagom an babaeng idto.

Oseas 3:2

Kaya nagbayad ako nin kinseng pedasong plata saka syento singkwenta kilos nin sebada tanganing bakalon siya.